Выбраныя здымкі
Валы замчышча ў Новым Быхаве Фота © Уладзiслаў В. Вепржыцкi | Дата: 24.02.2009
Погляд на Дняпро з замчышча Фота © Уладзiслаў В. Вепржыцкi | Дата: 24.02.2009
Схіл замчышча ў Новым Быхаве Фота © Уладзiслаў В. Вепржыцкi | Дата: 24.02.2009
Замак Новы Быхаў
Новы Быхаў узнік у XVI стагоддзі на высокім правым беразе Дняпра і быў адразу спланаваны і пабудаваны як драўляна-земляны замак прамавугольнай формы памерамі 560x370 метраў. Па перыметру ён быў абведезены земляным валам і ровам. Перад уязной брамай праз роў меўся пад’ёмны мост. Падобная планіроўка зафіксавана і ў сярэдзіне XVIII ст. У XVI – пачатку XVII ст. горад належаў Хадкевічам, затым перайшоў да Сапегаў.У ходе вайны Масковіі з Літвой, пачатай у 1654 г., Новы Быхаў быў заняты войскам атамана Ш. Залатарэнкі, затым некалькі разоў переходзіў з рук у рукі. Асабліва актыўная аблога была праведзена ў студзені 1655 года 12-тысячным войскам гетманоў Радзівіла і Ганмеўскага. Залатарэнка з 6 тысячамі казакаў умела бараніўся, праводзіў нечаканыя вылазкі і не дапускаў поўнага акружэння. Аблога працягвалася да канца студзеня, затым была знята.
Пасля падзей вайны Масковіі з Літвой XVIІ ст. і Паўночнай вайны Новы Быхаў ператварыўся ў невялікае мястэчка. У цэнтры яго стаяў абгароджаны вастраколам “двор”. Уезд сюды ійшоў па мосце, перакінутым праз роў, па якім траплялі ў вежу-браму, абгароджаную вастраколам. Тэрыторыю “двара” займалі гаспадарчыя і жылыя пабудовы.
Паводле:
“Людзі і замкі”, М. А. Ткачоў, Мн, 1991