Мінск (Менск). Касцёл Святога Тамаша Аквінскага і кляштар дамініканаў

Адметныя мясціны і помнікі на абшарах даўняга ВКЛ | Беларусь Літва Падляшша

Беразіно ў малюнках 1918 года

горад Беразіно
(Бярэзінскі раён, Мінская вобласць)

7 лістапада 1917 г. ў выніку ўзброенага перавароту ў Расіі быў звергнуты Часовы ўрад. 3 снежня 1917 ў Брэст-Літоўску савецкі ўрад пачаў перамовы з Германіяй аб перамір'і, якія з перапынкамі працягваліся некалькі месяцаў. 13 лютага 1918 года кайзер Вільгельм II прыняў рашэнне спыніць перамір'е і пачаць наступ на Ўсходнім фронце. Да 19 Лютага быў захоплены Менск, 20 лютага - Полацк, 21 - Рэчыца і Орша. 25 лютага бальшавікі пакінулі Барысаў. 1 сакавіка немцы занялі Гомель, Чарнігаў і Магілёў. 3 сакавіка 1918 года ў Брэст-Літоўску савецкай дэлегацыяй была афіцыйна падпісана так званая Брэсцкая мірная дамова. Па ўмовах дамовы ад Расіі адыходзілі прывіслінскія губерні, Украіна, губерні з пераважным беларускім насельніцтвам і шэраг іншых частак былой Расійскай імперыі. 18 сакавіка 1918 года ў Менску была абвешчана Беларуская народная рэспубліка (БНР).

Фрагмент вуліцы з відам на Праабражэнскую царкву ў Бераізно

Фрагмент вуліцы ў Беразіно з відам на Праабражэнскую царкву.
Мал. Curt SauermilchФота © www.europeana1914-1918.eu | Дата: 07/1918

Мястэчка Беразіно было занята нямецкімі войскамі адразу ж пасля захопу Барысава 25 лютага 1918 г. Нямецкія часткі заставаліся ў Беразіно да канца 1918 г. Сярод салдат быў і мастак Курт Саўэрмільх, які пакінуў у сваім альбоме характэрныя малюнкі з відамі Беразіно і местачковага побыту.

Погляд на Праабражэнскую царкву

Погляд на Праабражэнскую царкву.
Мал. Curt SauermilchФота © www.europeana1914-1918.eu | Дата: 07/1918

Курт Саўэрмільх (Curt Sauermilch) нарадзіўся ў 1880 г. у Варшаве падчас уцёкаў бацькоў з Расіі. Яго бацька, які служыў капельмайстрам у Пецярбургу, прыняў удзел у спробе замаху на цара і быў вымушаны бегчы. У выніку сям'я Sauermilch асела ў Дрэздэне. Пасля заканчэння дрэздэнскай Акадэміі прыгожых мастацтваў Курт Саўэрмільх шмат падарожнічаў па Германіі. У мястэчку Holzminden an der Weser, у якім ён вырашыў пасяліцца, працаваў настаўнікам малявання ў будучых інжынераў-будаўнікоў і архітэктараў. У той жа час працягваў працаваць як вольны мастак. Тут ён знайшоў і сваю будучую жонку Эллi.

Погляд на раку Беразіну і царкву

Погляд на раку Беразіну і царкву.
Мал. Curt SauermilchФота © www.europeana1914-1918.eu | Дата: 04/08/1918

У 1914 г. Курт быў прызваны ў армію і адпраўлены на Ўсходні фронт. На фронце ў вольны час рабіў накіды і акварэльныя малюнкі ў палявым альбоме. Курт пакінуў у ім выдатныя малюнкі кальвінскага збору ў Койданаве і цэлую серыю відаў мястэчка Беразіно і маёнтка Веркі пад Вільняй. Яшчэ да вайны Curt Sauermilch пакутаваў неўрастэніяй; удзел у ваенных дзеяннях толькі пагоршыў хваробу, і ў выніку ён апынуўся ў вайсковым шпіталі. Пасля вайны Курт вярнуўся ў Holzminden an der Weser і працаваў там у якасці педагога і мастака.

Беларусь

Літва

Польшча

Расія


Знайдзі свае карані
Пошук сваякоў і продкаў у Беларусі, Літве, Польшчы

Рэклама