Напачатку чэрвеня 2009 адкрыўся новы сайт RADZIWILL.BY, першы ў Беларусі інтэрнэт-партал, цалкам прысвечаны слаўнаму і знакамітаму роду князёў Радзівілаў. Больш дзесяці год збіралася па кроплях інфармацыя аб княжацкай сямьі па архівах і бібліятэках, у музеях і прыватных зборах гісторыкаў. Мэта сайта – цікава і захапляльна распавесці наведнікам аб родзе Радзівілаў, гісторыі, замках, сядзібах, цікавых фактах біяграфіі. На сайце можна будзе пазнаёміцца з афішай дзеючых ў краіне мерапрыемстваў, выстаў, музеяў, тэатральных пастановак, прысвечаных ці звязаных з гісторыяй знакамітага роду, даведацца аб параскіданых па ўсім свеце былых княжацкіх скарбах, атрымаць апошнія навіны аб рэстаўрацыі замкаў у Нясвіжы, Міры, Любчы з першакрыніц, даведацца аб дзеях іншых былых радзівілаўскіх уладанняў. На сайце таксама прапануецца магчымасць купiць цікавыя і рэдкія цяпер кнігі аб Радзівілах з аўтарскім аўтографам, пашукаць дадатковую інфармацыю аб князях у сеціве, паглядзець унікальныя старыя і лепшыя новыя прафесійныя фотаздымкі і г.д. Праект знаходзіцца ў стадыі развіцця, выкананы цалкам на ўласныя сродкі яго энтузіястаў і плануецца на дзвюх мовах з рэгулярнымі штотыдневымі абнаўленнямі матэрыялаў.
Чакаем на сустрэчу на старонках www.radziwill.by!
Гэта не звычайная кулінарная кніга, але зборнiк нарысаў-эсэ, якiя раскрываюць культурную гiсторыю i сiмвалiчнае значэнне такiх “вiзiтовак” лiтвiнска-беларускай кухнi, як, напрыклад, калдуны, верашчака, кiшка або бацвiнне. Нарысы, якія ўвайшлі ў яе, пісаліся на працягу больш як дзевяці гадоў. Стравы, што калісьці былі неад’емнай часткай штодзённага побыту нашых продкаў, вяртаюцца з нябыту – у нашу свядомасць і за нашы сталы. Да кожнай стравы, пра гісторыю і культурнае значэнне якой распавядаецца ў кнізе, пададзеныя рэцэпты, хоць і яны не догма: гатуйце, эксперыментуйце з дазаваннем і інгрэдыентамі, удакладняйце і вынаходзьце.
