> Віцебская вобласць > Полацкі раён > вёска Рудня

Рудня на мапе

Рудня - фота і помнікі

Магчымыя варыянты:
Рудня Рудня Rudnia Rudnia Rudnya Rudnja

Каардынаты:
55° 26'56.40"N, 28° 34'49.52"E

Што паглядзець у Рудні

Страчаная спадчына

Гісторыя Рудні

Некалі вёска знаходзілася ў складзе Банонскае воласьці Полацкага павету. Кад дабрацца да валаснога цэнтру трэба было прайсьці дарогаю на поўнач праз Верхнія Каўтуны ўздоўж ракі Вушачы каля 5 км. У рэестры Полацкае шляхты ад 30 верасьня 1765 году ўладальнікамі з Банонскае воласьці значацца Якуб Галімскі, Язафат Пятроўскі, Ян Янушкевіч. Аднак дакладна, на жаль, іхная маёмасьць не пазначаная.



У 1837 годзе ўніяцкая царква Сьв. Юрыя ў Баноні, да гэтай парафіі належала і Рудня, мела 1297 парафіянаў і гадавы прыбытак у 170 руб.асыгнацыямі. Пробашчам быў Базыль Бародзіч, які меў тады ад роду 50 гадоў. У 1900 г. парафію абслугоўваў ужо праваслаўны сьвятар Яўхім Гнядоўскі, а пасьля яго Васіль Савіцкі. У векапомным 1863 годзе ў Рудні было 280 рэвізовых душаў.



За савецкім часам у памежнай з Польшчай Банонскай воласьці быў утвораны саўгас “Банонь”, які спэцыялізаваўся на жывёлагадоўлі. Былі тут і свае першадрукары. У 1933 г. мясцовыя сьвінары, каб не адстаць ад акруговае сталіцы Полацка, дзе выходзіла газэта “За ўзорную сьвінагадоўлю” пачалі выпускаць свой друкаваны ворган “За сацыялістычную сьвінагадоўлю”. У канцы 1950-х гадоў частка земляў Банонскае воласьці разам с самой Банонью была адведзеная пад будаўніцтва нафтагіганту, які пазьней атрымаў назву Наваполацак. У зьвязку з гэтым цэнтар саўгасу быў пераведзены ў Рудню, якая і да сёньня трымае гэты статус. Ды нават разраслася трохі коштам пабудовы на левым беразе Вушачы аграгарадка.

На адлегласьці каля кілямэтра на захад ад вёскі Рудня ва ўрочышчы Валатоўкі знаходзіцца курганны могільнік. Курганы рассыпаны на абодвах берагах ракі Вушача. Мясцовасьць значна парослая хмызьняком. Агульная колькасьць улічаных курганоў 96, да сёньня ж захавалася 70. Належаць яны да даволі раньніх крывіцкіх курганоў 9-10 ст. з целаспаленьнямі, ляпной керамікай. Могільнік быў адшуканы ў 1867 годзе гісторыкам А.М. Семянтоўскім, пазьней раскопкі тут праводзілі А.М. Ляўданскі (1928), А.Р.Мітрафанаў (1961), Г.В. Штыхаў (1967)

Міхась Баўтовіч

Рудня. : Адметнасці | фота выбраных помнікаў

Рудня.  Краявіды

Рудня. Краявіды Выгляд возера Маразы зь места спаленай аднайменнай вёскі, што знаходзілася ў двух кілямэтрах на ўсход ад Рудні Фота © Міхась Баўтовіч

Рудня.  Прысядзібны парк

Рудня. Прысядзібны парк (XIX) Сажалка з выспачкай Фота © Міхась Баўтовіч

Рудня.  Могілкі старыя

Рудня. Могілкі старыя Надмагільны помнік Міхаіла Даўгаполава Фота © Міхась Баўтовіч