Палацык Кацнэльсона | Бабруйск

Больш фотаздымкаў (16) >>

Асабняк месьціцца на вул. Інтэрнацыянальнай, 75 (былая вул. Прысутная (рас. Присутственная)). Будынак зьяўляецца тыповым прыкладам "апартамэнтаў" заможных месьцічаў. Пабудаваны ў 1912 г., ён напачатку належыў купчыхі Канцэльсон. З лістапада 1918 г. у будынку дзейнічаў павятовы рэвалюцыйны камітэт, у гонар чаго ў 1958 г. на будынку была адкрытая памятная дошка. Хутчэй за ўсё, менавіта яна і ўратавала ўнікальны помнік стылю "мадэрн" ад зьнішчэньня, бо ўсю астатнюю забудову вул. Прысутнай сёньня замяшчаюць тыповыя "скрыні" пасьляваенных гадоў.

Сёньня ў сьценах асабняка працуе гарадзкая бібліятэка, унутраная пляніроўка нядрэнна захавалася.

Раман Воранаў