Выбраныя здымкі
Царква Святога Мікалая ў Маларыце Фота © Власюк Юрий | Дата: 20/06/2011
Галоўны фасад Фота © К. Шастоўскі |
Бакавы фасад Фота © К. Шастоўскі |
Царква пабудавана на сродкі прыхаджан і графа Чэчэрына ў 1900—07 гг. з дрэва на месцы папярэдняга храма, знішчанага пажарам у 1904 г. Упершыню ўніяцкая царква ў Рыце Малай узгадваецца ў 1668 г. Сучасная царква асвячона 10 кастрычніка 1908 г.
Помнік народнага дойлідства. У аснове прасторавай кампазіцыі храма цэнтрычны крыжовы ў плане зруб. Простакутны цэнтральны аб'ём накрыты пакатым 4-гранным дахам, завершаным 8-гранным барабанам з цыбулепадобным купалам. Вертыкальная дамінанта кампазіцыі створана на галоўным фасадзе — 3-ярусная (васьмярык на 2 чацверыках) званіца з востраканечным шатром з макаўкай на вяршыні. Званіца была павялічана на верхні ярус і аб'яднаная з асноўным аб'ёмам падчас рамонту 1922 і 1926 гг. Бакавыя прыдзелы больш нізкія, накрыты 2-схільнымі асобнымі дахамі. Ганак вырашаны 2-схільнай навіссю на 4 слупах. Гарызантальна ашаляваныя сцены прарэзаны прамавугольнымі аконнымі праёмамі ў простых ліштвах з сандрыкамі. У сяродкрыжжа малітоўнай залы адкрываецца светлавы барабан.
У 1992 г. у царкве здарыўся пажар. Помнік быў адноўлены, падчас рамонту зроблены роспіс сцен і столі.
У Дзяржаўным мастацкім музэі знаходзяцца 2 каштоўных уніяцкіх абраза "Праабражэнне" 1648 г. і "Покрыва Божай Маці" 1649 г., якія былі вывезены з маларыцкай царквы падчас музэйнай экспедыціі ў 1970 г.
Помнік народнага дойлідства. У аснове прасторавай кампазіцыі храма цэнтрычны крыжовы ў плане зруб. Простакутны цэнтральны аб'ём накрыты пакатым 4-гранным дахам, завершаным 8-гранным барабанам з цыбулепадобным купалам. Вертыкальная дамінанта кампазіцыі створана на галоўным фасадзе — 3-ярусная (васьмярык на 2 чацверыках) званіца з востраканечным шатром з макаўкай на вяршыні. Званіца была павялічана на верхні ярус і аб'яднаная з асноўным аб'ёмам падчас рамонту 1922 і 1926 гг. Бакавыя прыдзелы больш нізкія, накрыты 2-схільнымі асобнымі дахамі. Ганак вырашаны 2-схільнай навіссю на 4 слупах. Гарызантальна ашаляваныя сцены прарэзаны прамавугольнымі аконнымі праёмамі ў простых ліштвах з сандрыкамі. У сяродкрыжжа малітоўнай залы адкрываецца светлавы барабан.
У 1992 г. у царкве здарыўся пажар. Помнік быў адноўлены, падчас рамонту зроблены роспіс сцен і столі.
У Дзяржаўным мастацкім музэі знаходзяцца 2 каштоўных уніяцкіх абраза "Праабражэнне" 1648 г. і "Покрыва Божай Маці" 1649 г., якія былі вывезены з маларыцкай царквы падчас музэйнай экспедыціі ў 1970 г.
Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001