Выбраныя здымкі
Троіцкая царква ў в. Бродаўка пабудавана ў 1868 г. з дрэва на месцы уніяцкага драўлянага храма 1799 г., існавала да Другой сусветнай вайны. У 1891 г. пры царкве пабудавана царкоўна-прыходская школа.
Храм — твор народнага дойлідства з элементамі каланіяльнага псеўда-рускага стылю. Манументальная дынамічна развітая кампазіцыя храма складалася з вышыннай 3-яруснай чацверыковай званіцы, завершанай спічастым шпілем, нізкага бабінца, кубападобнага аб'ёму малітоўнай залы, апсіды. Пакаты шатровы гонтавы дах з заломам над асноўным аб'ёмам завяршаўся цыбулепадобнай галоўкай на барабане. Гарызантальна ашаляваныя цёсам фасады чляніліся 14 прамавугольнымі аконнымі праёмамі ў разных ліштвах з 3-вугольнымі сандрыкамі. Галоўны ўваход вылучаў 4-слуповы ганак пад 2-схільным дашкам. У інтэр'еры меўся мясцовашанаваны уніяцкі абраз «Маці Божая», які перайшоў з папярэдняй царквы.
У Нацыянальным гістарычным архіве (г. Менск) захоўваюцца метрычныя кнігі бродаўскага прыхода з 1776 па 1918 гг.
Храм — твор народнага дойлідства з элементамі каланіяльнага псеўда-рускага стылю. Манументальная дынамічна развітая кампазіцыя храма складалася з вышыннай 3-яруснай чацверыковай званіцы, завершанай спічастым шпілем, нізкага бабінца, кубападобнага аб'ёму малітоўнай залы, апсіды. Пакаты шатровы гонтавы дах з заломам над асноўным аб'ёмам завяршаўся цыбулепадобнай галоўкай на барабане. Гарызантальна ашаляваныя цёсам фасады чляніліся 14 прамавугольнымі аконнымі праёмамі ў разных ліштвах з 3-вугольнымі сандрыкамі. Галоўны ўваход вылучаў 4-слуповы ганак пад 2-схільным дашкам. У інтэр'еры меўся мясцовашанаваны уніяцкі абраз «Маці Божая», які перайшоў з папярэдняй царквы.
У Нацыянальным гістарычным архіве (г. Менск) захоўваюцца метрычныя кнігі бродаўскага прыхода з 1776 па 1918 гг.
Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001