> Віцебская вобласць > Аршанскі раён > горад Орша > Кляштар трынітарыяў
Орша. Кляштар трынітарыяў
Орша. Кляштар трынітарыяў

Кляштар трынітарыяў | Орша

Год пабудовы (перабудовы): > 1700
Каардынаты:
54° 30'34.36"N, 30° 25'32.14"E

Фотагалерэі

Выбраныя здымкі

Орша. Кляштар трынітарыяў

У рэканструяваным кляштары месьціцца ЗАГС. Ліпень 2009. Фота © К. Шастоўскі |

Орша. Кляштар трынітарыяў

Агульны выгляд (07.2009) Фота © К. Шастоўскі |

Орша. Кляштар трынітарыяў

Фота © К. Шастоўскі |

Пабудаваны ў 1714 г. Уключаў цагляны касцёл (не захаваўся) і жылы корпус. Знаходзіцца на вул. Камсамольскай.

У пачатку 17 ст. быў пабудаваны драўляны касцёл. Клянштар трынітарыяў фундаваны Адамам і Уладзіславам Саковічамі ў 1714 г. Скасаваны ў 1832 г., у 1835—40 гг. перабудаваны пад лячэбніцу. Касцёл (3-нефавая 4-вежавая базіліка) перароблены ў праваслаўны Васкрасенскі сабор, пазней пераабсталяваны пад аэраклуб (быў пазбаўлены вертыкальных дамінант — 4 вуглавых вежаў). У канцы 1950-х гг. поўнасцю зруйнаваны. Да касцёла далучаўся П-падобны ў плане 2-павярховы манастырскі корпус (захаваўся часткова). Комплекс быў абнесены мураванай агароджай з 2 брамамі ў стылі класіцызму.

Помнік архітэктуры барока. П-падобны ў плане (адно крыло не захавалася) 2-павярховы жылы корпус пасля перабудовы набыў рысы класіцызму. Яго франтальнае вулічнае крыло — прамавугольны ў плане аб'ём пад вальмавым дахам. Вось сіметрыі фасада вылучалася шырокім 5-восевым рызалітам, завершаным ступеньчатым атыкам. Плоскасны фасад рытмічна чляніўся прамавугольнымі аконнымі праёмамі, дэкарыраванымі на 1-м паверсе сандрыкамі. Рустоўкай быў вылучаны высокі цокальны паверх. Корпус мае галерэйную планіроўку з тыповымі прамавугольнымі келлямі, перакрытымі крыжовымі і цыліндрычнымі скляпеннямі.

У 2002-2004 гг. рэканструяваны.

Літ.:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000

Паведамленні