> Гродзенская вобласць > Слонімскі раён > мястэчка Жыровіцы > Царква Святога Георгія
Жыровіцы. Царква Святога Георгія
Жыровіцы. Царква Святога Георгія

Царква Святога Георгія | Жыровіцы

Год пабудовы (перабудовы): > 1775
Каардынаты:
53° 1'9.55"N, 25° 20'23.98"E

Фотагалерэі

Выбраныя здымкі

Жыровіцы. Царква Святога Георгія

Агульны выгляд Фота © Грода Надзея |

Жыровіцы. Царква Святога Георгія

Жировичи (церковь св. Георгия (кон.XVIIIв.).jpg Фота © Кузіч Мікола | Дата: 09.10.2007

Жыровіцы. Царква Святога Георгія

Фота © Кузіч Мікола | Дата: 19/10/2007

Царква Святога Георгія ў Жыровіцах

Георгіеўская царква ў Жыровіцах — каштоўны помнік драўлянага уніяцкага дойлідства канца XVIII ст. Пабудавана на могілках на паўночна-заходняй ускраіне Жыровіц. Уваходзіць у склад манастырскага комплексу, але знаходзіцца ў баку ад яго і планіровачна з ім не звязана. Дзякуючы ўдаламу размяшчэнню на павышаным рэльефе дамінуе ў наваколлі і візуальна далучаецца да ансамбля манастыра.

Царква ўяўляе сабою адназрубны храм з пяцігранным алтарным прырубам, арыентаваным на захад. Прамавугольны ў плане аб'ём пабудовы аб'яднаны з апсідай агульным двухсхільным дахам з характэрным плаўным пераходам у трохграннае пакрыццё апсіды. Галоўны фасад завершаны двухсхільным шчытом з чатырохгранным барабанам і фігурным купалам на вільчаку даху.

Апсіда, вылучаная невялікім уступам, шырока раскрыта ў залу, уліваючыся ў адзіную прастору інтэр'ера храма. Яго дэкаратыўным акцэнтам з'яўляецца іканастас з накладной разьбой (XIX—XX стст.). У іканапісе вылучаецца ікона «Юры Пераможца» (алей, палатно, 125X93), выкананая ў народных традыцыях.

Крыніца:
В. Б. Караткевіч, А. М. Кулагін
Помнікі Слоніма
Мінск, Навука і тэхніка, 1983

Паведамленні