> Гродзенская вобласць > Карэліцкі раён > вёска Рудзьма > Каплічка прыдарожная
Рудзьма. Каплічка прыдарожная
Рудзьма. Каплічка прыдарожная

Каплічка прыдарожная | Рудзьма

Год пабудовы (перабудовы): > 1875
Каардынаты:
53° 36'25.79"N, 26° 25'47.62"E

Фотагалерэі

Выбраныя здымкі

Рудзьма. Каплічка прыдарожная

Каплічка Фота © С. Рамановіч |

Дарога, якая вядзе нас да Міра, адкрывае перад нашымі вачамі стэп, на якім відаць толькі крыжы, дахі далёкіх людскіх хат і дзе-нідзе адзінокія купкі дрэў. Гэта адзіныя дэмаркацыйныя пункты, якія паказваюць дарогу таму, хто яе ведае і без іх; той жа, хто яе не ведае, пэўна, заблудзіцца сярод гэтых пясчаных палёў і ўзгоркаў, на гэтай сетцы дарог і дарожак, што вядуць немаведама куды.

Што азначаюць гэтыя крыжы, якіх так многа сустракаецца па дарозе? На бясплоднай ніве выцягваюць яны плечы да неба, як бы ўзносячы малітву, каб быў пасланы адтуль ратаю лепшы ўраджай. Можа, гэта памятка якога-небудзь даўняга трагічнага выпадку? Але дарэмна пытацца пра гэта ў навакольнага люду: пастаўлены ў нейкай далёкай даўніне крыж паступова гніў, вось-вось меўся ўпасці ці ўпаў, і новае пакаленне аднавіла яго і моліцца перад ім, просячы лепшае долі, а доля яго — тая самая.

Крыж, пясчаны маляўнічы ўзгорак, за ўзгоркам — ізноў крыж і вось ручай, абапал якога зялёная паша, а налева ўцёк ад гасцінца засценак Віскачы, каб схаваць ад вока падарожніка сваю беднасць.

Крыніца:
Уладзіслаў Сыракомля
Вандроўкі па маіх былых ваколіцах
Вільня, 1853
Пераклад Кастуся Цвіркі
Мінск, Мастацкая літаратура, 2002