> Гродзенская вобласць > Карэліцкі раён > вёска Жухавічы Малыя > Царква Святога Іаана Прадцечы
Жухавічы Малыя. Царква Святога Іаана Прадцечы
Жухавічы Малыя. Царква Святога Іаана Прадцечы

Царква Святога Іаана Прадцечы | Жухавічы Малыя

Год пабудовы (перабудовы): 1878, > 1900
Каардынаты:
53° 23'46.33"N, 26° 19'10.40"E

Фотагалерэі

Выбраныя здымкі

Жухавічы Малыя. Царква Святога Іаана Прадцечы

Агульны выгляд Фота © К. Шастоўскі |

Жухавічы Малыя. Царква Святога Іаана Прадцечы

Агульны выгляд Фота © Sergej Kondratowicz |

Жухавічы Малыя. Царква Святога Іаана Прадцечы

Від з дарогі Фота © К. Шастоўскі |

Драўляная Свята-Іаанаўская царква ў Малых Жухавічах стаіць у цэнтры вёскі на пагорку. Вядома, што тут стваралася Малажухавіцкае Евангелле — помнік старабеларускага рукапіснага кнігапісання канца XV — пачатку XVI ст. Таму верагодна, царква існавала ў вёсцы здавён. Але першая дакументальна вядомая царква ў Малых Жухавічах пабудавана ў 1783 г. Мела 25 дзесяцін зямлі. У 1864 г. збудавана новая царква, значна пераробленая ў пачатку XX ст. У 1880 г. адкрыта школа пісьменнасці, потым ператвораная ў царкоўна-прыходскую (1882 г.). Царква адчынена пасля заняпаду ў савецкі час у 1988—1990 гг.

Храм вырашаны працяглым прамавугольным зрубам, які пераходзіць у 3-гранную апсіду. З франтальнага боку далучаны вузкі квадратны ў плане прытвор, за якім над галоўным фасадам узвышаецца 4-гранная шатровая званіца, завершаная макаўкай на гранёным барабане. Такое ж завяршэнне мае апсіда. Гарызантальна ашаляваныя сцены прарэзаны вузкімі прамавугольнымі вокнамі ў фігурных разных ліштвах з 2-граннымі сандрыкамі. У дэкоры фасадаў выкарыстаны вуглавыя лапаткі, 3-вугольныя франтоны, фрызы геаметрычнага арнаментальнага малюнку. У малітоўную залу выступаюць хоры на 2 слупах, пад якімі перагародкамі вылучаны бакавыя памяшканні лесвіцы і прасфірні. Апсіда вылучана драўляным іканастасам.

Крыніца:
Анатоль Кулагін
Памяць. Карэліцкі раён
Мінск. Белта. 2000