> Гродзенская вобласць > Карэліцкі раён > вёска Ярэмічы > Царква Ушэсця Гасподняга
Ярэмічы. Царква Ушэсця Гасподняга
Ярэмічы. Царква Ушэсця Гасподняга

Царква Ушэсця Гасподняга | Ярэмічы

Год пабудовы (перабудовы): < 1748 (1), 1867 (2)
Каардынаты:
53° 34'15.50"N, 26° 20'46.37"E

Фотагалерэі

Выбраныя здымкі

Ярэмічы. Царква Ушэсця Гасподняга

Узьнясенская царква, агульны выгляд Фота © Марина Гимпель |

Ярэмічы. Царква Ушэсця Гасподняга

Галоўны фасад Фота © С. Рамановіч |

Ярэмічы. Царква Ушэсця Гасподняга

Званіца Фота © С. Рамановіч |

Свята-Ушэсцеўская царква размешчана на цэнтральнай плошчы в. Ярэмічы. Пабудавана ў 1867 г. на вылучаную ўрадам суму ў 15 660 рублёў. Папярэдні драўляны храм адзначаны ў 1748 г. у сувязі з ахвяраваннем яму падстолінай Горват маёмасці. У 1886 г. штабс-капітан Зімін ахвяраваў храму абраз «Маці Божая ўсіх Смуткуючых Радасць» на кіпарысавай дошцы. Асноўны будаўнічы матэрыял — мясцовы бутавы камень. У 1879 г. пры храме пабудавана драўляная 2-класная царкоўна-прыходская школа. Адасоблена пастаўлена 2-ярусная званіца і 2-ярусная брама, завершаная шатром з макаўкай. Побач з царковай пахаванні 1825—1896 гг. Пасля заняпаду адкрыта ў 1988—1990 г. Прастольнае свята — дзень Узнясення Гасподня.

Помнік архітэктуры рэтраспектыўна-рускага стылю. Вырашана па тыпу цэнтрычных крыжова-купальных храмаў. Цэнтральны кубападобны аб'ём завершаны васьмярыковым барабанам з 4-гранным шатром і макаўкай. Бакавыя прыдзелы, прытвор і 5-гранная апсіда вырашаны аднолькавымі прамавугольнымі аб'ёмамі пад 2-схільнымі дахамі з тарцовымі 3-вугольнымі франтонамі. На паліхромным фоне бутавай муроўкі сцен вылучаюцца цагляныя атынкаваныя элементы архітэктурнага дэкору: аркатурныя паясы, нішы-крыжы, карнізы, вуглавыя лапаткі, ліштвы арачных аконных праёмаў і 3 ўваходныя парталы.

Унутры плоская атынкаваная столь падтрымана 4 слупамі. 3-ярусны драўляны іканастас мае 22 абразы, бела-залацістую афарбоўку. Абапал апсіды 2 рызніцы.

Крыніца:
А.М. Кулагін
Памяць. Карэліцкі раён
Мінск. Белта. 2000