> Гродзенская вобласць > Ашмянскі раён > горад Ашмяны > Царква Уваскрэшання Хрыстова
Ашмяны. Царква Уваскрэшання Хрыстова
Ашмяны. Царква Уваскрэшання Хрыстова

Царква Уваскрэшання Хрыстова | Ашмяны

Год пабудовы (перабудовы): 1875
Каардынаты:
54° 25'27.87"N, 25° 56'10.07"E

Фотагалерэі

Выбраныя здымкі

Ашмяны. Царква Уваскрэшання Хрыстова

Агульны выгляд Фота © Viktar Kalinouski |

Ашмяны. Царква Уваскрэшання Хрыстова

Агульны выгляд Фота © Viktar Kalinouski |

Ашмяны. Царква Уваскрэшання Хрыстова

Бакавы фасад Фота © К. Шастоўскі |

У цэнтры горада, з касцёлам св. Міхала Арханёла фарміруе сілуэт гістарычнай плошчы. Пабудавана ў 1875 г. з цэглы. У 1894 г. на храм была выдзелена сума ў 600 руб. паводле духоўнага завяшчання П.І. Медынцавай. У 1934 г. святаром быў рэлігійна-грамадскі дзеяч беларускага замежжа М. Лапіцкі (1907—76). Адрэстаўрыравана і адкрыта ў 1988—90 гг. Прастольнае свята — Дзень Святой Пасхі.

Помнік архітэктуры рэтраспектыўна-рускага стылю. Крыжова-купальны храм з нізкімі прамавугольнымі бакавымі прыдзеламі і апсідай, Над сяродкрыжжам — 8-гранны светлавы барабан пад пакатым шатровым дахам, завершаным цыбулепадобным купалам на глухім 8-гранным барабане. Над прытворам узведзены 8-гранны ярус шатровай званіцы з макаўкай. Крылы прытвораў накрыты 2-схільнымі дахамі. Тры ўваходы (галоўны і 2 бакавыя) вырашаны манументальнымі парталамі з кілепадобнымі аркамі. Сцены крапаваны лапаткамі, апяразаны буйнымі аркатурнымі фрызамі. Сіметрыя архітэктурных плоскасцей падкрэслена лучковымі аконнымі праёмамі і плоскімі ліштвамі.

У інтэр'еры пануе 2-светлавая прастора сяродкрыжжа, у якое пры дапамозе ветразевай канструкцыі адкрываецца 8-гранны барабан.

Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001