> Брэсцкая вобласць > Камянецкі раён > вёска Рудавец (Лазовіцы)

Рудавец (Лазовіцы) на мапе

Рудавец (Лазовіцы) - фота і помнікі

Магчымыя варыянты:
Рудавец (Лазовіцы) Рудавец (Лозовицы) Rudawiec (Łozowica) Rudaviec (Łazovicy) Lozowitsa

Каардынаты:
52° 12'46.95"N, 23° 23'40.60"E

Што паглядзець у Лазовіцах

Рудавец

Вёска Рудавец знаходзіцца ў Воўчынскім сельсавеце, за 62 км на паўднёвы захад ад Камянца, 37 км ад Брэста. У 18 ст. вёска ў Берасцейскім павеце Берасцейскага ваяводства ВКЛ, у складзе маёнтка Лазовіцы. У 2-й палове 19 ст. вёска Брэсцкага павета Гродзенскай губерні Расійскай Імперыі. Паводле 10-й рэвізіі (1857) належыла памешчыку Брындзы, уладальніку Лазовіцы, 63 рэвізскія душы. З 1860-х г. у Воўчынскай воласці Брэсцкага павета. Паводле перапісу 1897 г. ў Рудавецкай сельскай грамадзе, 17 двароў, 121 жыхар. На 1905 г. - 106 жыхароў. Побач маёнтак Лазовіцы, якім валодалі Чычэрыны.

У 1921-39 гг. вёска ў Воўчынскай гміне Брэсцкага павета Палескага ваяводства Польшчы. У 1923 г. - 7 двароў, 51 жыхар. У 1940 г. ў вёсцы 45 двароў, 231 жыхар, кааператыўная крама. З 12.10.1940 г. ў Стаўскім сельсавеце Высокаўскага раёна Брэсцкай вобласці БССР. У Другую сусветную вайну на франтах загінулі і прапалі без вестак 11 жыхароў вёскі. З 16.7.1954 г. ў Воўчынскім сельсавеце. З 17.4.1962 г. ў Камянецкім раёне. У 1960 г. ў вёсцы 136, у 1970 г. — 109, у 2005 г. - 88 жыхароў. У 2 км на поўдзень ад вёскі побач з Бугам захаваліся фрагменты былога прысядзібнага парку Лазовіцы. Вёска знаходзіцца ў памежнай зоне, для наведвання патрэбны дазвол ад памежнага камітэту Беларусі.

Літ.:
Гарады і вёскі Беларусі, Энцыклапедыя, Том 4 
БРЭСЦКАЯ ВОБЛАСЦЬ, кніга ІI 
Мінск, «БЕЛАРУСКАЯ ЭНЦЫКЛАПЕДЫЯ», 2007

Рудавец (Лазовіцы). : Адметнасці | фота выбраных помнікаў

Рудавец (Лазовіцы).  Прысядзібны парк

Рудавец (Лазовіцы). Прысядзібны парк (XIX) Алея ў колішнім прысядзібным парку. Фота з кнігі Л. М. Несцярчука \"Замкі, палацы, паркі Берасцейшчыны X-XX стагоддзяў\", Белта, 2002 Фота © Леанид Міхайлавіч Несцярчук | 11/2000