г.п. Казлоўшчына Дзятлаўскі раён.
Свята-Успенская царква.
Помнік драўлянага народнага дойліцтва. Размешчана ў цэнтры г.п. Казлоўшчына на вул. Савецкай. Пабудавана на месцы папярэдняга драўлянага храма ў пачатку ХХ ст. Праект выкананы ў 1914 г. Храм трохзрубны, уключае асноўны аб’ём, бабінец з двух’яруснай званіцай над імі і прамавугольную ў плане апсіду з прырубамі рызніц па баках. Асноўны зруб накрыты двухсхільным дахам. Званіца завершана цыбулепадобным купалам, апсіда – васьмігранным барабанам з галоўкай. Фасады гарызантальна ашаляваны, рытмічна члянёны лучковічнымі вокнамі і вертыкальнымі брусамі-сцяжкамі ў прасценах.
Кулагін А.М. З архітэктурнай спадчыны / Памяць: Гіст.-дакум. хроніка Дзятлаўскага р-на. – Мн.: Універсітэцкае, 1997. - С.362-364.