Выбраныя здымкі
Сінагога ў Слоніме
Сінагога ў Слоніме на сучаснай вуліцы Камуністычная пабудавана ў 1914 г. Буйным маштабам і архітэктурна-дэкаратыўнай апрацоўкай будынак выдзяляецца ў нізкапавярховай забудове. Архітэктурны акцэнт зроблены на галоўным вулічным фасадзе, які завяршаецца трохвугольным франтонам. Галоўны ўваход у выглядзе вялікай цыркульнай аркі размешчаны ў лоджыі, фланкіраванай двума двух'яруснымі рызалітамі, у якіх знаходзяцца ўваходы на гэлерэю цэнтральнай малітоўнай залы.Бакавыя атынкаваныя фасады сіметрычна-восевай кампазіцыі расчлянёны радам лучковых аконных праёмаў. Блізкая ў плане да квадрата асноўная малітоўная зала асветлена радам высокіх арачных вокнаў. У дэкоры сінагогі выкарыстаны элементы архітэктуры позняга класіцызму: ліштвы праёмаў з замковым каменем, руст, лапаткі. Планіроўка будынка была зменена пры рэканструкцыі пад спартыўную залу медыцынскага вучылішча.
Крыніца:
В. Б. Караткевіч, А. М. Кулагін
Помнікі Слоніма
Мінск, Навука і тэхніка, 1983
В. Б. Караткевіч, А. М. Кулагін
Помнікі Слоніма
Мінск, Навука і тэхніка, 1983