Выбраныя здымкі
Каталіцкая капліца на малькавіцкіх могілках на здымку да 1939 г. Фота © Віталь Герасіменя |
На вясковых могілках у Малкавічах, што знаходзяцца па дарозе на суседні Ліпск, у канцы XІX стагоддзя была пабудавана каталіцкая капліца. Па іншых звестках пабудавана яна была ў трыццатыя гады мінулага стагоддзя. Трэба адзначыць, што гэтыя могілкі былі ў свой час падзелены на дзве часткі: праваслаўную і каталіцкую, на якой і знаходзілася капліца. Толькі з адносна нядаўняга часу гэтае раздзяленне знікла. Капліца прастаяла да сярэдзіны 1980-х гадоў, калі згарэла па вельмі банальнай прычыне: сяляне спальвалі апаўшае ліcце і агонь перакінуўся на саму пабудову, патушыць якую на жаль не ўдалося.
Герасіменя Віталь, gants-region.info