Выбраныя здымкі
Міхал Алехна-Гушча, легендарны лекар Глыбоччыны.Яго лякарня ў 1930-я гг стаяла пры дарозе з Глыбокага на Шаркоўшчыну, пры ўездзе ў парк.
Міхал Алехна-Гушча, доктар медыцыны, нарадзіўся 19 лістапада 1886 года ў Скамяноўшчыне Лепельскага павету. Сын Францішка і Караліны з дому Вяшчыцкіх.
Скончыў гімназію ў Віцебску, затым вучыўся ў Маскоўскім медыцынскім універсітэце, які скончыў у 1913 годзе з тытулам доктара медыцыны. Спачатку практыкаваў у мястэчку Ветрына Віцебскай губерні. Затым, у часе Першай сусветнай вайны,
працаваў у вайсковым шпіталі ў Полацку. Падчас польска-бальшавіцкай вайны быў вайсковым
лекарам ў ранзе ротмістра ў 1-ым палку ўланаў вялікапольскіх у Гнезне.
Пасля вайны родная Лепельшчына сталася ў складзе Савецкага Саюза, і Міхал Алехна-Гушча асеў на Глыбоччыне ў Новым Двары Залескай
гміны. Цяпер - у межах Патупаў.
З пачаткам вайны, дзесьці 24 чэрвеня 1941 года, НКУСаўцы правялі зачыстку краю ад меркаваных ворагаў савецкай улады, якія могуць пайсці на супрацоўніцтва з акупантамі. Міхал Алехна-Гушча стаўся арыштаваным, хоць і быў інвалідам (меў пратэз адной нагі).
Загінуў на Дарозе Смерці --Беразвечча-Ула -- у ліку 2-х тысячаў канваяваных вязняў Беразвецкай турмы НКУС, якіх НКУСаўцы расстралялі на падыходзе да Улы.
Фота © Уладзімір Скрабатун | Дата: 1930-я гг