Выбраныя здымкі
Комплекс бернардынаў Фота © Ілля Андрэеў | Дата: XVIII
Касцёл і кляштар бернардзінцаў у Воршы
Драўляны касцёл беранрдзінцаў у Воршы пабудаваны ў 1637—1639 гг. Уяўляў аднанефавы аб'ём пад двухсхільным дахам, з купальнай вежкай бліжэй да алтара. Галоўны фасад, фланкаваны дзвюма чатырох'яруснымі купальнымі вежамі (тры ніжнія ярусы чацверыковыя, верхні, верагодна, васьмерыковы, асноўваўся на купалку і меў купальнае завяршэнне), з трохвугольным франтонам у цэнтры.П-падобны ў плане кляштарны будынак прылягаў да бакавога фасада касцёла. Комплекс не збярогся. Візіта 1818 года паведамляе, што ў 1760 пачата будаўніцтва мураванага касцёла, аднак да таго часу яго яшчэ не скончылі і, відаць, на малюнку дадзена выява старога драўлянага касцёла.
Паводле:
Р.В.Баравы, Ю.А.Якімовіч. Каштоўны дакумент па гісторыі беларускай графікі і архітэктуры XVIII ст.
Помнікі культуры. Мінск, Навука і тэхніка, 1985