Выбраныя здымкі
Царква на фотаздымку пач. ХХ ст. Фота © К. Шастоўскі |
На царковішчы ў 1985 г. ўсталявалі помнік ахвярам 2-й сусьветнай вайны Фота © К. Шастоўскі |
Царкоўная агароджа Фота © К. Шастоўскі |
Інвентар 1765 г. характарызуе царкву св. Юрыя ў Залужжы, вядомую з 1719 г., як невялікую, стараватую, але добрую, з 2 маленькімі купалкамі і бабінцам. Алтар вялікі з дошак, да якіх абразы папрыбіваны (напэўна, маецца на ўвазе іканастас), сярод іх "Маці Божая" з сярэбранымі каронамі; другі алтар — сцяна з абразамі, дзе абраз Маці Божай Чанстахоўскай "цудамі слынны", на якім 2 сярэбраныя кароны, а ўверсе — трэцяя. Алтар св. Юр'я таксама абразамі акамадаваны. Кцітары — Радзівілы.
Парафія: Залужжа — 30 двароў, Любна — 20, Вечатарова — 55, Скамарошкі — 41, Залоззе — 3. На здымку Яна Балзункевіча пачатку 20 ст. бачны прыгожы фасад у выглядзе бабінца на ўсю шырыню храма, накрыты аднасхільным гонтавым дахам са стройнымі квадратнымі вежамі, увенчанымі барочнымі купаламі. Браму-ўваход на ўзгоркавы цвінтар утварала пара маляўнічых званіц.
Парафія: Залужжа — 30 двароў, Любна — 20, Вечатарова — 55, Скамарошкі — 41, Залоззе — 3. На здымку Яна Балзункевіча пачатку 20 ст. бачны прыгожы фасад у выглядзе бабінца на ўсю шырыню храма, накрыты аднасхільным гонтавым дахам са стройнымі квадратнымі вежамі, увенчанымі барочнымі купаламі. Браму-ўваход на ўзгоркавы цвінтар утварала пара маляўнічых званіц.
А.А. Ярашэвіч
Памяць. Стаўбцоўскі раён