Выбраныя здымкі
Петрапаўлаўскі касцлёл у Граўжышках
Фота з архіву Інстытута Мастацтва Польскай Акадэміі Навук (IS PAN 0000016483)
Фота © www.kresy.pl | Дата: < 1939
Рэшткі сьценаў Фота © Аляксандр Лычаўка | Дата: 2004
Пляц былога касцёла Фота © radziwill.by | Дата: 06.2009
Петрапаўлаўскі касцёл у Граўжышках
Касцёл у Граўжышках быў зруйнаваны ў сакавіку 2009 г. Храм у 1980-90-я гг. знаходзіўся ў аварыйным стане, у пач. 2000-х гадоў пацярпеў у пажары.Касцёл пабудаваны ў цэнтры вескі ў 2-й палове XVIII ст. з дрэва на месцы храма, фундаванага ў 1495 г. ўладальнікам маёнтка Мікалаем Бутрымам (адбудоўваўся ў 1640-я гг.). Побач з касцёлам стаяла чацверыковая 3-ярусная драўляная званіца.
Помнік драўлянага дойлідства з рысамі барока. Асноўны зруб мае складаную планіровачную форму з выступаючымі крыламі трансепта і бакавымі званіцамі (верхнія ярусы знялі яшчэ ў савецкі час), прыбудаванай вялікай 5-граннай апсідай з бакавымі сакрысціямі. Яны аб'ядноўваліся адзіным 2-схільным гонтавым дахам, які над апсідай пераходзіў у вальмавы і выходзіў на галоўны фасад вялікім 3-вугольным франтонам з шырокім карнізам. Бакавыя вертыкальна ашаляваныя сцены ўмацаваны вертыкальнымі брусамі-сцяжкамі і завершаны карнізам. У верхняй частцы сцен лучковыя аконныя праёмы з прычолкамі на разных кранштэйнах.
Цэнтральная частка малітоўнай залы аб'ядноўвалася з апсідай люстраным скляпеннем. Плоская столь бакавых частак падтрымлівалася 2 слупамі, сцены вертыкальна ашаляваны. Папярочная бэлька ў алтарным праёме мела разны рэльефным арнамент у выглядзе вінаграднай галінкі. У інтэр'еры асаблівым хараством вылучаліся 3 драўляныя барочныя алтары.
Набажэнствы праводзяцца ў капліцы, пабудаванай у 1991 г. каля касцёла.
Паводле:
Памяць. Ашмянскі раён
Мінск. Белта. 2003