Выбраныя здымкі
| Дата: 1920
Мікалаеўская царква ў Крынках
У 1767 г. ў Крынках па фундацыі князя Адама Чартарыйскага пабудавана ўніяцкая царква Святога Мікалая. Пасля скасавання Ўніі ў 1839 г. крынкаўскі прыход у Літоўскай праваслаўнай епархіі. Царква была драўляная, ў мураванай агароджы. У 1863 г. царква капітальна рамантавана. На мяжы ХІХ і ХХ стст. царква Святога Мікалая ў Высока-Літоўскім дабрачынні Гродзенскай епархіі. Прыход налічваў 1366 чалавек у 3 вёсках: Крынкі, Навасёлкі і Паніквы. У Паніквах мелася прыпісная Ўспенская царква (захавалася). Храм у Крынках быў разабраны пасля 1947 г., калі вёску перасоўвалі далей ад дзяржаўнай мяжы.