Выбраныя здымкі
Цэнтральны ўваход Фота © Уладзімер Ткачэнка |
Мазаічнае маёлікавае пано Фота © Уладзімер Ткачэнка |
Вуглавая вежа Фота © Уладзімер Ткачэнка |
Помнік архітэктуры стылю мадэрн. Будаўніцтва мураванага будынка пачата ў 1913 годзе (вялося з перапынкамі) і скончана толькі ў пачатку 1917 года (праект архітэктара К.К. Тарасава). Узведзены на ўскраіне горада ў сувязі з тым, што асноўнымі кліентамі банку з’яўляліся сяляне навакольных вёсак.
Будынак двухпавярховы (яшчэ адзін паверх паўпадвальны), у плане Е-падобнай формы. Мае несіметрычную аб’ёмна-прасторавую кампазіцыю: бакавыя крылы не аднолькавыя па шырыні і даўжыні, выступаючыя аб’ёмы лесвіц і рызалітаў, рознапавярховае завяршэнне фасадаў. Вуглавое размяшчэнне будынкаў падкрэсліваюць тры вуглавыя вежы. Архітэктура будынка вылучаецца не толькі складанымі формамі, але і разнастайнымі дэкаратыўнымі дэталямі: складаным абрамленнем аконных праёмаў, бочкападобнымі балясінамі, глыбокай рустоўкай сцен першага паверха і інш. Цэнтральная частка галоўнага фасада з уваходам завершана кілепадобным франтонам, у якім размешчана мазічнае маёлікавае пано з гербам “Пагоня”.
Унутраная планіроўка калідорнага тыпу: цэнтральная частка з аднабаковым калідорам, бакавы – з двухбаковымі. На першым паверсе – цэнтральны вестыбюль з параднай лесвіцай, службовыя памяшканні, кватэра кур’ера; на другім – зала паседжанняў, кабінеты і кватэра кіраўніка банка; у паўпадвальным – гаспадарчыя памяшканні і архіў.
У 1921 годзе ў будынку размясціўся Віцебскі вышэйшы сельскагаспадарчы тэхнікум, на базе якога у 1924 годзе быў адкрыты Віцебскі ветэрынарны інстытут імя Кастрычніцкай рэвалюцыі. Першапачаткова інстытут налічваў 100 студэнтаў і 11 выкладчыкаў. Але інстытут хутка развіваўся: да 1940 года было пабудавана шэраг дапаможных карпусоў, назапашана багатая матэрыяльная база, студэнтаў было 487, выкладчыкаў 70.
5 ліпеня 1941 года інстытут эвакуявалі на ўсход. Але ж падчас акупацыі матэрыяльная база інстытута была амаль цалкам знішчана. У будынку размясцілася фельдкамендатура.
8 студзеня 1945 года вучэбныя заняткі былі адноўлены. У 1994 годзе інстытут рэарганізаваны ў дзяржаўную акадэмію ветэрынарнай медыцыны. На 1 студзеня 2002 года тут працавала 28 кафедраў, 5 факультэтаў, 338 выкладчыкаў. Вышэйшую адукацыю атрымлівалі 3195 студэнтаў.
Будынак двухпавярховы (яшчэ адзін паверх паўпадвальны), у плане Е-падобнай формы. Мае несіметрычную аб’ёмна-прасторавую кампазіцыю: бакавыя крылы не аднолькавыя па шырыні і даўжыні, выступаючыя аб’ёмы лесвіц і рызалітаў, рознапавярховае завяршэнне фасадаў. Вуглавое размяшчэнне будынкаў падкрэсліваюць тры вуглавыя вежы. Архітэктура будынка вылучаецца не толькі складанымі формамі, але і разнастайнымі дэкаратыўнымі дэталямі: складаным абрамленнем аконных праёмаў, бочкападобнымі балясінамі, глыбокай рустоўкай сцен першага паверха і інш. Цэнтральная частка галоўнага фасада з уваходам завершана кілепадобным франтонам, у якім размешчана мазічнае маёлікавае пано з гербам “Пагоня”.
Унутраная планіроўка калідорнага тыпу: цэнтральная частка з аднабаковым калідорам, бакавы – з двухбаковымі. На першым паверсе – цэнтральны вестыбюль з параднай лесвіцай, службовыя памяшканні, кватэра кур’ера; на другім – зала паседжанняў, кабінеты і кватэра кіраўніка банка; у паўпадвальным – гаспадарчыя памяшканні і архіў.
У 1921 годзе ў будынку размясціўся Віцебскі вышэйшы сельскагаспадарчы тэхнікум, на базе якога у 1924 годзе быў адкрыты Віцебскі ветэрынарны інстытут імя Кастрычніцкай рэвалюцыі. Першапачаткова інстытут налічваў 100 студэнтаў і 11 выкладчыкаў. Але інстытут хутка развіваўся: да 1940 года было пабудавана шэраг дапаможных карпусоў, назапашана багатая матэрыяльная база, студэнтаў было 487, выкладчыкаў 70.
5 ліпеня 1941 года інстытут эвакуявалі на ўсход. Але ж падчас акупацыі матэрыяльная база інстытута была амаль цалкам знішчана. У будынку размясцілася фельдкамендатура.
8 студзеня 1945 года вучэбныя заняткі былі адноўлены. У 1994 годзе інстытут рэарганізаваны ў дзяржаўную акадэмію ветэрынарнай медыцыны. На 1 студзеня 2002 года тут працавала 28 кафедраў, 5 факультэтаў, 338 выкладчыкаў. Вышэйшую адукацыю атрымлівалі 3195 студэнтаў.
Уладзімер Ткачэнка