> Віцебская вобласць > Верхнядзвінскі раён > горад Верхнядзвінск (Дрыса) > Касцёл Нараджэння Найсвяцейшай Панны Марыі
Верхнядзвінск (Дрыса). Касцёл Нараджэння Найсвяцейшай Панны Марыі
Верхнядзвінск (Дрыса). Касцёл Нараджэння Найсвяцейшай Панны Марыі

Касцёл Нараджэння Найсвяцейшай Панны Марыі | Верхнядзвінск (Дрыса)

Год пабудовы (перабудовы): 1840-x? (1990-x)
Каардынаты:
55° 46'57.36"N, 27° 56'3.39"E

Фотагалерэі

Выбраныя здымкі

Верхнядзвінск (Дрыса). Касцёл Нараджэння Найсвяцейшай Панны Марыі

Выгляд з боку апсіды Фота © Georges von Karnitski |

Верхнядзвінск (Дрыса). Касцёл Нараджэння Найсвяцейшай Панны Марыі

Галоўны фасад Фота © Грода Надзея |

Верхнядзвінск (Дрыса). Касцёл Нараджэння Найсвяцейшай Панны Марыі

Галоўны фасад. Фрагмент Фота © Грода Надзея |

Пабудаваны ў цэнтры мястэчка ў сярэдзіне 19 ст. з цэглы. Пасля пажару 1899 г. адноўлены (сафіт пакрыты размалёўкай, перароблены алтары, слупы размаляваны пад мармур). У 1980-я гг. рэстаўрыраваны (па некаторых звестках змураваны наноў - Radzima.org).

Касцёл — невысокі прамавугольны аб'ём з 3-граннай апсідай, над якой 2-схільны дах пераходзіць у вальмавае пакрыццё. Архітэктура помніка не мае выразнай мастацка-стылёвай характарыстыкі. Асноўная яе тэма — цыркульная арка. Яе форма выкарыстана ў складаным рытме вокнаў і праёмаў масіўнай 2-яруснай 4-граннай званіцы з шатровым пакрыццём, фасаднай дэкаратыўнай аркатуры. Прафіліроўкі і абломы абрамляюць праёмы і карніз.

Унутраная прастора перакрыта цыліндрычным скляпеннем на падпружных арках. Нефы размяжоўваюцца аркадай на слупах. На левай сцяне прэсбітэрыя навешаны амбон. У інтэр'еры 3 алтары, галоўны з іх вырашаны дарычным 4-калонным порцікам з лучковым франтонам.

Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000