Касцёл Святога Якуба Апостала | Мілюнцы (Пеліканы)

Больш фотаздымкаў (24) >>

У вёсцы Пеліканы (Мілюнцы) першы драўляны будынак касцёла ўзвялі ў 1714 годзе. Асвячоны ў гонар Святога Духа касцёл з’яўляўся філіяльным храмам Браслаўскай парафіі. У канцы XVIII ст. утворана самастойная парафія. Драўляны касцёл некалькі разоў перабудоўвалі, а мураваны храм узвялі ў пачатку XX ст. і асвяцілі ў імя Святога Якуба.

Пасля Другой сусветнай вайны храм закрылі, і перадалі парафіянам толькі ў 1990-я гг. Помнік архітэктуры стылю неаготыкі. Вырашаны манументальнай трохнефавай двухвежавай базілікай з трансептам. Галоўны фасад мае дынамічную, вертыкальна накіраваную тарктоўку, яго сілуэт фарміруюць чацверыковыя трох’ярусныя шатровыя вежы і двухсхільны шчыт паміж імі, крапаваны стральчатай аркатурай. У шырокай стральчатай арцы над уваходным парталам размешчана невялікае акно-ружа.

Алесь Мінін