Спаса-Праабражэнская царква ў Пружанах
Спаса-Праабражэнская царква пабудавана протаіерэем Мікалаем Жуковічам у 1861 годзе на пружанскіх праваслаўных могілках на месцы старажытнай Свята-Духавай царквы, узведзенай па загаду Ганны Ягелонкі ў 1570 годзе на землях, выдзеленых на гэтыя мэты Дзмітрыем Сапегам.
Праабражэнская царква на могілках у Пружанах на фотаздымку з архіву Пружанскай раённай газеты "Раённыя будні"Фота © www.budni.by | Год: 1938
Царква згарэла ў 1941. У 1943 годзе святару Уладзміру Пілінкевічу дазволілі адбудаваць царкву і для гэтай мэты перанесці сюды з цэнтра Пружан будынак былой царкоўнай школы, які пры Польшчы выкарыстоўваўся ў якасці магазіна сельскагаспадарчых тавараў.
Новая Праабражэнская царква пабудаваная на праваслаўных могілках Пружан ў 2003 г.Фота © Ирина Седова | Дата: 11/2014
Пасля вайны царква працавала як прыпісная да сабора Аляксандра Неўскага. У 1985 царква зноў згарэла - ад падпалу. Доўгі час тут былі толькі камяні падмурка. У 2000 годзе пачата будаўніцтва новай цаглянай царквы, яно завершана ў 2003-м.
Ірына Сядова