Касцёл Святога Антонія | Завішына

Касцёл у Завішыне

Фальварак Завішына, ці Завішынская Рудня, над рэчкай Дзвіносай атрымаў сваю назву ад прозвішча ўладальнікаў маёнтка - Завішаў. У 1б70 г. падкаморы Міхал Завіша пабудаваў тут драўляны касцёл, пры якім была заснавана місія францішканцаў. Праз сто гадоў, у 1770 г., новыя ўладальнікі фальварка, Валовічы, утварылі новы фундуш. Касцёл был рэкансэкраваны ў 1802 г. пад тытулам св. Антонія і атрымаў статус філіяльнага ад акалоўскай парафіі.

Пасля падаўлення паўстання 18бЗ г. касцёл у Завішыне зачынілі і перадалі ў праваслаўнае ведамства. У храме быў «пакінуты па просьбе сялянаў абраз св. Антонія са срэбнымі венчыкамі і іншымі ўпрыгожваннямі».

Ужо ў пачатку ХХ ст. святыня знаходзілася ў руінным стане. На яе месцы ў 1997 г. быў устаноўлены каталіцкі крыж.
Завішынскі касцёл уяўляў сабой прамавугольны ў плане будынак на каменным падмурку, з 5-граннай апсідай, фланкаванай 2 закрыстыямі. Касцёл, пакрыты гонтай, завяршалі «капулка ад фронту і сігнатурка над вялікім алтарам». Над бабінцам размяшчаліся хоры. Інтэр'ер упрыгожвалі 3 алтары: галоўны 2-ярусны з абразам св. Антонія ў медзянай шаце і абразом Найсвяцейшай Марыі Панны ўверсе, бакавыя - Пана Езуса і Маці Божай. У 1859 г. касцёл быў рэканструяваны ў стылі класіцызму.