Схемы, пляны, малюнкі | Вялікі Двор (Гародзяй)

Больш фотаздымкаў (13) >>

Даўней шмат мясцовасьцей у гэтых краях называлі Гародзяй, і сёньняшні Вялікі Двор, і мястэчка Гарадзея і яшчэ нейкія вёскі. Здаецца, ужо пры Польшчы ў 1921 г. маёнтак Гародзяй назвалі маёнтак Вялікі Двор. Людзі яго даўно ўжо так называлі, каб ня пагубіцца ў гэтых Гародзяях. Ніжэй падаю сьпіс пабудоў у маёнтку як я ведаю па расповедам старэйшых і, што бачыў сваімі вачыма (гл. схему)

1. Палац
2. Афіцына
3. Сьвіран
4. Аранжэрэя і цяпліца (цяплярня)
5. Трэпхаўз (зь нямецкай – “цёплы дом”)
6. Баня
7. Пограб
8. Бровар
9. Валоўня
10. Дзьве круглыя альтанкі
11. Кухня, пральня, прасавальня, сталярня
12. Стайні выязных коней
13. Стайні рабочых коней
14. Гаркухня (тут варылі ежу і кармілі працаўнікоў, што прыходілі на працу з навакольных вёсак)
15. Кантора, на другім паверсе жыў упраўляючы маёнткам
16. Кузьня
17. Аборы
18. Адрынка
19. Капцільня (на ўзгорку), у падвалах – лядоўня і кладоўкі
20. Дом, дзе жыў сыравар Галяндэр, а можа хто яшчэ
21. Сыраварня
22. Сьвінух
23. Паветка, каля яе, трымалі вазы, плугі і інш.
24. Каля кузьні – лядоўня (зялёным колерам), блізка яе другая капцільня
25. Каля старога возера – сажалка. Тут трымалі злоўленую раней рыбу
26. Каля Новага Возера – млынок, так яго называлі. Але насамрэч гэта была алейня, дзе выціскалі алей зь льнянога семеню
27. Астравок – як называлі ўзгорак пры дарозе на Дзярэчынцы. Тут была капліца-пахавальня Брахоцкіх. У Першую сусьветную вайну, побач былі могілкі памершых у шпіталю жаўнераў
28. Чырвоная хатка на Астраўку – тут жыў вартаўнік
29. Насыпная дарога да тракта Мір–Нясьвіж, была простая як страла. Насыпная, бо пэўна з кілямэтар цягнулася праз багну

Альгерд Станкевіч (Olgierd Stankiewicz)