Капліца Святога апостала Лукі | Дубок

Больш фотаздымкаў (12) >>

Царква пабудавана на мяжы 18—19 ст. з дрэва на заходняй ускраіне вёскі. Помнік народнага дойлідства. Прамавугольны зруб храма пераходзіць у 3-гранную апсіду, па фронце праз кароткі бабінец да яго далучана 3-ярусная 4-гранная званіца. Асноўны аб'ём накрыты агульным 2-схільным дахам з вальмамі над апсідай, шацёр званіцы і апсіда завершаны макаўкамі. Архітэктурная выразнасць пазбаўленага дэкору будынка дасягаецца выключна кампазіцыйнымі сродкамі, што спрадвеку было характэрна для народнага драўлянага дойлідства: гарызантальна ашаляваныя фасады расчлянёны прамавугольнымі аконнымі праёмамі ў фігурных ліштвах, вуглы апрацаваны накладкамі, у апсідзе паўцыркульная люкарна.

Сцены малітоўнай залы, якая непасрэдна раскрываецца ў апсіду і бабінец, зрублены з брусоў, не ашаляваны, пафарбаваны.

Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001