Выбраныя здымкі
Бакавы фасад Фота © К. Шастоўскі |
Інтэр'ер Фота © К. Шастоўскі |
Куток парку Фота © К. Шастоўскі |
У 1543 г. уладальнік Вязыні, віцебскі ваявода Юры Насілоўскі, заснаваў тут касцёл пад тытулам св. Ганны. З 2-й паловы XVII ст. касцёл згадваецца ў рангу філіі пры іллянскай парафіі. Святыня стаяла пры ўездзе ў вёску з боку Іллі, справа на ўзвышэнні. У 2-й палове XVIII ст. пасля рэстаўрацыі на сродкі віленскіх бенедыктынак, якім з XVII ст. належала мястэчка, касцёл уяўляў сабой драўляную 2-вежавую святыню з адной закрыстыяй. Інтэр'ер упрыгожвалі 5 алтары: галоўны з абразом св. Ганны і бакавыя - Панны Марыі і св. Бенедыкта.
Роўна праз два стагоддзі, у 1830 г., новы будынак філіі св. Ганны змяняе старую святыню. Але ў 1864г. іллянская парафія была зліквідавана, разам з ёю зачынілі і вязыньскі касцёл, а будынак перадалі праваслаўным. Царква, пазней пабудаваная на гэтым месцы, дзейнічае і сёння. Насупраць, на другім баку шашы, захаваліся старыя каталіцкія могілкі. Сярод іх вылучаюцца надмагіллі Бельскіх, Гяцэвічаў, Янкоўскіх. Аднак архіўныя дакументы таго часу працягваюць згадваць у Вязыні філіяльны касцёл альковіцкай парафіі.
У 1908 г. (дата пазначана на фундаменце святыні) у вязыньскай сядзібе Гяцэвічаў была збудавана капліца з гранітных блокаў у неагатычным стылі з элементамі мадэрну. Залавая прастора з 5-граннай апсідай перакрыта зорчатымі скляпеннямі. У 1912 г. святыня была асвечаная пад тытулам Нараджэння Найсвяцейшай Марыі Панны і прыпісана да адноўленай іллянскай парафіі.
Пасля другой сусветнай вайны філію ў Вязыні зачынілі і зрабілі там клуб, потым склад (быў нават музей), але капліцу аб'явілі помнікам архітэктуры. У 1993 г. святыня, вернутая католікам, была адрэстаўраваная і ў Вязыні зноў зарэгістраваная, цяпер ужо самастойная, парафія Нараджэння Найсвяцейшай Марыі Панны.
Роўна праз два стагоддзі, у 1830 г., новы будынак філіі св. Ганны змяняе старую святыню. Але ў 1864г. іллянская парафія была зліквідавана, разам з ёю зачынілі і вязыньскі касцёл, а будынак перадалі праваслаўным. Царква, пазней пабудаваная на гэтым месцы, дзейнічае і сёння. Насупраць, на другім баку шашы, захаваліся старыя каталіцкія могілкі. Сярод іх вылучаюцца надмагіллі Бельскіх, Гяцэвічаў, Янкоўскіх. Аднак архіўныя дакументы таго часу працягваюць згадваць у Вязыні філіяльны касцёл альковіцкай парафіі.
У 1908 г. (дата пазначана на фундаменце святыні) у вязыньскай сядзібе Гяцэвічаў была збудавана капліца з гранітных блокаў у неагатычным стылі з элементамі мадэрну. Залавая прастора з 5-граннай апсідай перакрыта зорчатымі скляпеннямі. У 1912 г. святыня была асвечаная пад тытулам Нараджэння Найсвяцейшай Марыі Панны і прыпісана да адноўленай іллянскай парафіі.
Пасля другой сусветнай вайны філію ў Вязыні зачынілі і зрабілі там клуб, потым склад (быў нават музей), але капліцу аб'явілі помнікам архітэктуры. У 1993 г. святыня, вернутая католікам, была адрэстаўраваная і ў Вязыні зноў зарэгістраваная, цяпер ужо самастойная, парафія Нараджэння Найсвяцейшай Марыі Панны.
Крыніца:
Каталіцкія святыні
Мінск, Про Хрысто, 2003