Выбраныя здымкі
Бакавы фасад (04.2007) Фота © Шамкаловіч Ю. |
Траецкая царква ў Даўгінаве (04.2007) Фота © Шамкаловіч Ю. |
Агульны выгляд Фота © К. Шастоўскі |
Царква знаходзіцца ў паўднёвай частцы мястэчка. Пабудавана ў 1870 г. з цэглы. Прастольнае свята — Дзень Прасвятой Тройцы.
Помнік псеўда-рускага стылю. Царква атрымала арыгінальную планіровачную, але кананічную 4-часткавую аб'ёмна-прасторавую кампазіцыю: прытвор-званіца, трапезная, 8-гранная малітоўная зала, ад якой адыходзяць паўкруглыя бакавыя прытворы і апсіда. Над сяродкрыжжам цэнтральны аб'ём завершаны магутным 8-гранным светлавым барабанам, накрытым сферычным купалам, у завяршэнні якога цыбулепадобная галоўка на гранёнай шыі. Грані барабана завершаны кілепадобнымі аркамі, прарэзаны здвоенымі вузкімі арачнымі аконнымі праёмамі і круглымі люкарнамі. Над прытворам надбудавана 2-ярусная (васьмярык на чацверыку) шатровая званіца з макаўкай. Фасады расчлянёны адзінарнымі і здвоенымі арачнымі аконнымі праёмамі, дэкарыраванымі броўкамі, апяразаны зубчастымі паясамі, фрызам гарадкоў. Тры ўваходы (галоўны і ў прытворах) аформлены 2-слуповымі ганкамі з 2-схільнымі навесамі.
Унутраная прастора храма ў сяродкрыжжы павялічана магутным светлавым барабанам, у яе арачнымі прасветамі адкрываюцца конхавыя бакавыя прыдзелы і цыліндрычнае перакрыцце трапезнай. Апсіда адмежавана разным драўляным іканастасам з пазалотай элементаў дэкору.
Помнік псеўда-рускага стылю. Царква атрымала арыгінальную планіровачную, але кананічную 4-часткавую аб'ёмна-прасторавую кампазіцыю: прытвор-званіца, трапезная, 8-гранная малітоўная зала, ад якой адыходзяць паўкруглыя бакавыя прытворы і апсіда. Над сяродкрыжжам цэнтральны аб'ём завершаны магутным 8-гранным светлавым барабанам, накрытым сферычным купалам, у завяршэнні якога цыбулепадобная галоўка на гранёнай шыі. Грані барабана завершаны кілепадобнымі аркамі, прарэзаны здвоенымі вузкімі арачнымі аконнымі праёмамі і круглымі люкарнамі. Над прытворам надбудавана 2-ярусная (васьмярык на чацверыку) шатровая званіца з макаўкай. Фасады расчлянёны адзінарнымі і здвоенымі арачнымі аконнымі праёмамі, дэкарыраванымі броўкамі, апяразаны зубчастымі паясамі, фрызам гарадкоў. Тры ўваходы (галоўны і ў прытворах) аформлены 2-слуповымі ганкамі з 2-схільнымі навесамі.
Унутраная прастора храма ў сяродкрыжжы павялічана магутным светлавым барабанам, у яе арачнымі прасветамі адкрываюцца конхавыя бакавыя прыдзелы і цыліндрычнае перакрыцце трапезнай. Апсіда адмежавана разным драўляным іканастасам з пазалотай элементаў дэкору.
Крыніца:
А.М. Кулагін
Праваслаўныя храмы на Беларусі
Мінск, Беларуская Энцыклапедыя, 2001