> Мінская вобласць > Мядзельскі раён > мястэчка Нарач (Кабыльнік) > Касцёл Святога Андрэя Апостала
Нарач (Кабыльнік). Касцёл Святога Андрэя Апостала
Нарач (Кабыльнік). Касцёл Святога Андрэя Апостала

Касцёл Святога Андрэя Апостала | Нарач (Кабыльнік)

Год пабудовы (перабудовы): 1897-1904
Каардынаты:
54° 56'18.75"N, 26° 41'15.10"E

Фотагалерэі

Выбраныя здымкі

Нарач (Кабыльнік). Касцёл Святога Андрэя Апостала

Касцёл Святога Андрэя Апостала ў Нарачы Фота © Иван Бай | Дата: 07.07.2013

Нарач (Кабыльнік). Касцёл Святога Андрэя Апостала

Стары касьцёл у Кабыльніку Сьвянцянскага павета, гравюра А. Ромэра, 1880 (з кнігі \'Каталіцкія сьвятыні\', Мінск, Про Хрысто, 2003) Фота © Иван Бай | Дата: 07.07.2013

Нарач (Кабыльнік). Касцёл Святога Андрэя Апостала

Галоўны алтар. Старажытны абраз Маці Божае зь Дзіцяткам Езусам Фота © К. Шастоўскі | Дата: 07.07.2013

Вёска Нарач (назва існуе ад 1964 г.) у XV стагоддзi насіла назву Medal Minor, ад XVI стагоддзя паселішча згадваецца пад назвай Кабыльнік. У 1434 г. князі Свірскія заснавалі тут касцёл святога Андрэя Апостала. На памятнай дошцы касцёла чытаем, што першая святыня была драўляная.

У 1651 г. князі Свірскія ўзводзяць новы будынак касцёла святога Андрэя, аднак яго знішчылі падчас «нашэсця Масквы» ў вайну 1654- 1667 гг. У 1736 г. касцёл святога Андрэя рэканструаваны на сродкі тагачаснага дзедзіча Кабыльніка Марціна Аскеркі, кашталяна наваградскага. У гэтыя часы касцёл апісваюць як святыню «немалых памераў», інтэр’ер якой упрыгожвалі 6 алтароў. Пасля пажару 1862 г. касцёл ізноў аднаўляецца «коштам плябана Людвіга Мініцкага і Тытуса Свентаржэцкага». У святыні былі 3 алтары, у галоўным з якіх знаходзіўся абраз Маці Божай з Дзіцяткам Езусам у срэбнай, з пазалочанымі элементамі, шаце. Да нашых часоў захавалася толькi званіца. Гэта квадратнае ў плане 3-яруснае каркасна-зрубавае збудаванне пад шатровым дахам.

У 1897 г. закладваюцца падмуркі новай каменнай святыні ў неагатычным стылi, якая ў 1901 г. была асвечаная, і ў 1904 г. кансэкраваная. Касцёл пабудаваны з чырвонай цэглы на падмўрку з гранітных блокаў. Зараз у касцёле ёсць чатыры алтары. У галоўным па-ранейшаму захоўваецца абраз Маці Божай (у народзе называнай Анёльскай - успамiн 2 жнiўня), у бакавых навах: злева - святога Андрэя, i святога Антонiя, справа - святога Роха. Пры касцёле святога Андрэя дзейнічалі школа i шпіталь. У Нарачы дзейнiчае таксама праваслаўная парафiя. Лёс храма быў журботны - ён быў зачынены ў пасляваенны перыяд. Зараз адрэстаўраваны зноў служыць вернікам.

Пасля другой сусветнай вайны бязбожныя ўлады спрабавалi зачынiць i касцёл, аднак парафіяне, дзякуючы сваёй стойкасцi ў веры, здолелi захаваць дом Божы ад знiшчэння. Хоць апошні пробашч быў пасадзаны ў турму, а пазней змушаны пакiнуць Беларусь і парафiя засталася без святара, то людзi самi малiлiся ў святынi, спадзяючыся на лепшае i стараючыся атрымаць ад улады дазвол для святара. З цягам часу дазвол быў выдадзены. Сюды стаў прыезжаць спачатку перыядычна, а пазней рэгулярна кс. Люцыян Паўлiк з Задарожжа. Ад 1989 года тут служаць кармелiты босыя. У парафii адзначаюцца ўрачыста днi святога Антонiя (13 чэрвеня), святога Роха (16 жнiўня) i святога Андрэя Апостала (30 лiстапада).

Пробашч – а. Бярнард Радзік OCD
Адрас:
Рыма-каталiцкая парафiя святога Андрэя Апостала
Мiнская вобл., Мядзельскi р-н, 222396 Нарач
Тэл./факс.: (017) 9746520
E-mail: naracz@tut.by
Расклад набажэнстваў (магчымы змены)
Святыя Імшы ў звычайныя днi: 8.30, 18.30
Святыя Імшы ў нядзелю і святы: 9.00, 10.30, 13.30

Крыніца:
Нарач – парафiя св. Андрэя Апостала
Catholic.By

Паведамленні