Выбраныя здымкі
Фота © Иван Бай | Дата: 2014/07/08
Капліца на здымку пач. ХХ ст. |
Фрагмент франтону Фота © К. Шастоўскі |
На паўночна-заходняй ускраіне вёскі, на старых могілках. Пабудавана ў 1860 г. з цэглы і бутавага каменю. Невялікае цэнтрычнае васьміграннае ў плане збудаванне накрыта пакатым шатровым дахам. 3 паўднева-заходняга боку будынка выступае неглыбокі рызаліт, у тоўшчы якога – паўкруглая апсіда з конхай. Галоўны фасад завершаны трохвугольным франтонам. Уваходны арачны партал аформлены 2-пілястравым порцікам з 3-вугольным франтонам, на тымпане яго выгравірана абрэвіятура "D.O.M", ніжэй год - 1860. Арачныя аконныя праёмы дэкараваны простымі ліштвамі з замковым каменем. Фасады крапаваны вуглавымі пілястрамі, апяразаны антаблементам з карнізам на сухарыках, у тынкоўцы мазаічныя ўкрапіны з дробнага шчэбню. Памяшканне капліцы перакрыта плоскай драўлянай столлю, пад падлогай склеп.
Крыніца:
А.М. Кулагін
Каталіцкія храмы на Беларусі
Мінск, Беларуская Энцыклапедыя, 2000