Выбраныя здымкі
Свята-Праабражэнскі храм у Чачэрску. Здымак 13.08.07 Фота © Дыянісій Піліпенка |
Праабражэнская царква ў Чачэрску Фота © маша п. |
Інтэр\'ер. Фрагмент (13.08.07) Фота © Дыянісій Піліпенка |
Помнік архітэктуры класіцызму. Пабудавана ў 1783 годзе ў Чачэрску графам Чарнышовым у ансамблі з трыма іншымі храмамі (не зберагліся). Мураваны 2-ярусны храм-ратонда (у плане круг з унутраным дыяметрам каля 15 м), завершаны паўсферычным купалам на ступеньчатым барабане. Над бабінцам (прамавугольны ў плане аб’ём з франтонам на галоўным фасадзе) пабудавана васьмерыковая вежа-званіца, накрытая гранёным купалком, з усходу да царквы прылягае прамавугольная ў плане алтарная апсіда.
Асноўны аб’ём падзелены на ярусы развітым дарычным антаблементам. Сцены ніжняга яруса рытмічна расчлянёны пілястрамі, паўкруглымі і плоскімі нішамі, верхняга яруса – квадратнымі вокнамі, паміж якімі фігурныя філянговыя рамы. Асноўнае памяшканне царквы – адзіная прастора. У інтэр’еры над уваходам у залу зроблены драўляныя хоры. Пілястры ўпрыгожаны стылізаванымі іанічнымі капітэлямі. Інтэр’еры былі аздоблены размалёўкай італьянскіх майстроў. Царква дзейнічае. Помнік рэспубліканскага значэння.
Асноўны аб’ём падзелены на ярусы развітым дарычным антаблементам. Сцены ніжняга яруса рытмічна расчлянёны пілястрамі, паўкруглымі і плоскімі нішамі, верхняга яруса – квадратнымі вокнамі, паміж якімі фігурныя філянговыя рамы. Асноўнае памяшканне царквы – адзіная прастора. У інтэр’еры над уваходам у залу зроблены драўляныя хоры. Пілястры ўпрыгожаны стылізаванымі іанічнымі капітэлямі. Інтэр’еры былі аздоблены размалёўкай італьянскіх майстроў. Царква дзейнічае. Помнік рэспубліканскага значэння.
Крыніца:
Архітэктура Беларусі: Энцыкл. давед. / Беларус. Энцыкл.; Рэдкал.: А.А. Воінаў і інш. – Мінск: БелЭн, 1993. - С. 483