Выбраныя здымкі
Як кажуць мясцовыя жыхары, Царква Казанскай Божай маці пабудавана ў 1903 г. па фундацыі заможнага купца-гарачука. На сайце Беларускай епархіі пазначана пад 1913 г. Месьціцца ў 400 м на паўднёвы ўсход ад замчышча, цагляная, стыль псеўдарускі. Унутры даволі цесная, выклікае адчуваньне, што столь літаральна навісае над галавой. Арыентаваная ўваходам на захад зь невялікім ухілам на поўдзень, апсідай адпаведна на ўсход і поўнач. У вежы над уваходам на 2 ярусе звон. Акрамя царквы, у комплекс будынкаў уключаны домік для хрышчэньня, невялікая вежачка-сарайчык і агароджа з брамай. Да брамы прымацаваная ікона Казанскай божай маці (копія мясцовага вырабу). Агароджа спачатку была цагляная (можна пабачыць на здымку 1992 г.), новую з жалеза на цагляным фундамэнце пабудавалі ў 1991-1992 гг. У савецкія часы царква ніколі не зачынялася, дзейнічае і цяпер.
Сяржук Карбоўскі