Гісторыя Бяльмонтаў
Бяльмонты, (Двор Альгердаўшчына), былая вёска ў Браслаўскім раёне, на паўднёва-ўсходнім беразе возера Дрывяты. За 10 км на ПдУ ад Браслава. З 1976 у складзе в. Ахрэмаўцы.У гістарычных крыніцах упершыню ўпамінаюцца ў 1748 як уладанне роду Гільзенаў, пры іх Бяльмонты атрымалі сваю назву (ад франц. belmont прыгожая гара). У 2-й палове 18 — пачатку 19 ст. ў Бяльмонтах створаны палацава-паркавы ансамбль, які ўключаў двухпавярховы мураваны палац (меў 33 пакоі), вялікую круглую парадную залу, дамашнюю капліцу. Сцены шэрага пакояў будынка былі дэкарыраваны жывапісам. У 1876 тры акварэльныя малюнкі палаца зрабіў Наполеон Орда. Парк Бяльмонт (плошчай 65 га) быў адным з найбуйнейшых рамантычных паркаў Літвы. У 1768 у Бяльмонтах пабудаваны філіяльны касцёл Езуса Хрыста, які належаў да Браслаўскай парафіі. У 18 ст. частка бяльмонцкіх уладанняў уваходзіла ў склад Браслаўскага староства. З 1798 Бяльмонты — уладанне графа М. Мануззі, вядомага пры дварах Пецярбурга і Варшавы палітычнага авантурыста, які яшчэ ў 1776 пасяліуся на Браслаўшчыне. Паводле інвентара 1798, бяльмонцкаму двару належалі 233 асобы мужчынскага полу, 6 корчмаў. У 1768 у Бяльмонтах спыняўся з абозам адзін з удзельнікаў Барскай канфедэрацыі Ш. Касакоўскі. 23.6.1812 тут размяшчаўся са штабам камандуючы 1-й Заходняй арміяй расейскі генерал М. Б. Барклай дэ Толі, 1—3.7.1812 — камандуючы французскім кавалерыйным корпусам маршал I. Мюрат.
У Бяльмонтах прайшлі дзіцячыя гады мастака, аўтара твораў на гістарычныя тэмы Я. Траяноўскага (1799—1878). У пачатку 19 ст. Бяльмонты перайшлі да роду Плятэраў. I. Плятэр — удзельнік паўстання 1830—31. I. і Ф. Плятэры сабралі музейную калекцыю, багатую бібліятэку (у 1-ю сусветную вайну вывезена ў Петраград), перадалі Віленскаму музею старажытнасцей каля 100 каменных свідраваных сякер, знойдзеных у наваколлі вёскі. У Бяльмонтах існавала парафіяльная школа (у 1804 — 30 вучняў, у 1805 — 10), з 1857 дзейнічаў бровар (у 1900 — 8 рабочых, паравая машына). У 1-ю сусветную вайну палац Плятэраў часткова разбураны. Пабудаваны пазней драўляны сядзібны дом згарэў у 2-ю сусветную вайну. Зберагліся помнікі: курганны могільнік 8—10 ст. (адкрыты і даследаваны ў 1892 Ф. В. Пакроўскім), мураваная капліца Збавіцеля на могілках (1858), парк Бяльмонт.
Крыніцы:
К. С. Шыдлоўскі
Энцыклапедыя гісторыі Беларусі. Т.3.
Мінск, "Беларуская Энцыклапедыя", 1996
Бяльмонты (Ахрэмаўцы). : Адметнасці | фота выбраных помнікаў
Бяльмонты (Ахрэмаўцы). : Страчаная спадчына | фотаздымкі
Каментарыі
Witam serdecznie!
Czy ktoś z Państwa jest w posiadaniu dokładnyc opisów majatku "Belmont" z podanym wykazem pracowników (inwentarz majatku?)?
W Belmoncie - zdaje się - pracowali członkowie rodziny mojej Babci (Babcia - Stanisława Szachłańska córka Wincentego; Wincenty Szachłański syn Bartomieja, Bartłomiej Szachła ...
moja rodzina Salmonowiczow herbu Szaszor byla wlascicielami dobr w Achremowcach. Zalaczam biogram mojego przodka w prostej linii, Jana Salmonowicz ur. ~1620, ktory
- był stolnikiem brasławskim
- podpisał elekcję króla Michała Korybuta Wiśniowieckiego w 1668 r. [VoL]
- podpisał elekcję króla Jana III Sobieskiego w 1674 r. [VoL]
- posia...
Hello!
Information about Belmont church can find in Vilnius archive. I study metrical books there.
Irina.
You can write in Polish.
...
Witam Serdecznie,
Z zaciekawieniem przeczytałam, że Władysław Tomaszewicz był zarządcą majątku Belmont, bo to oznacza, że był on następcą mojego pradziadka Piotra Wardeina, który był tu zarządcą od ok 1895 roku, a wcześniej pradziadek pracował tu (ale nie jestem pewna, czy jako zarządca czy tylko jako...
Czy chodzi o pulkownika Wladyslawa Tomaszewicza?
Jak tak bardzo prosze o list!!...