> Гродзенская вобласць > Гродзенскі раён > горад Гродна > Царква эвангеліцкая
Гродна. Царква эвангеліцкая
Гродна.  Царква эвангеліцкая

Царква эвангеліцкая | Гродна

Выбраныя здымкі

Гродна.  Царква эвангеліцкая

Кірха ў Гродна Фота © К. Шастоўскі | Дата: 20/03/2013

Гродна.  Царква эвангеліцкая

Агульны выгляд Фота © Шаблыка | Дата: 09.2007

Гродна.  Царква эвангеліцкая

Вежа-званіца Фота © Дзьмiтры Галагуцкi | Дата: 09.2007

Кірха пабудавана з цэглы у псеўдагатычным стылі на рубяжы 19—20 стагоддзяў.

Аднанефавая аднавежавая пабудова з пяціграннай апсідай і сакрысціямі. Галоўны фасад мае сіметрычную, выцягнутую па вертыкалі дынамічную кампазіцыю. Квадратная ў плане высокая манументальная вежа-званіца выступае з асноўнага аб'ёму. Галоўны ўваход (праз вежу) аформлены вялікім стральчатым парталам, над ім — «акно-ружа». Вежа завершана высокім ламаным па форме вострым шатром. Сцены абведзены шырокім карнізным паяском, умацаваны контрфорсамі. У вокнах бакавых сцен каляровы вітраж з гатычнымі металічнымі пераплётамі. Інтэр'ер храма мае выцягнутую да падоўжнай восі сіметрычную кампазіцыю. Асноўны прамавугольны ў плане аб'ём перакрыты арыгінальным па форме фігурным скляпеннем: цыліндрычнае перакрыцце пераходзіць каля бакавых сцен у плоскую столь на драўляных кранштэйнах. Апсіда раскрываецца ў асноўны аб'ём арачным праёмам. На 2-м паверсе вежы — маленькія хоры.

У савецкі час у будынку знаходзіўся дзяржаўны архіў Гарадзенскай вобласці. На сёння належыць Евангелічнай Лютэранскай абшчыне.

Літ.:
С. Г. Багласаў
Збор помнікаў гісторыі і культуры Беларусі. Гродзенская вобласць
Мінск, Беларуская Энцыклапедыя, 1986


Паведамленні

Год пабудовы (перабудовы): > 1875
Каардынаты:
53° 41'13.26"N, 23° 50'25.51"E

Фотагалерэі