Чачэрск | Палацава-паркавы ансамбль Чарнышовых

ЧАЧЭРСКІ ЗАМАК

Існаваў у 10-18 стагоддзях. Пабудаваны на дзядзінцы летапіснага горада 10-13 стагоддзяў. Займаў мыс карэннага берага ракі Чачоры, прытока Сажа. У 14-18 стагоддзях замак меў 3-вугольную форму (пл. каля 0,5 га) і ўзвышаўся на 14 м над поймай Чачоры; ад горада аддзяляўся шырокім (20-25 м) і глыбокім (да 7 м) ровам, па краі быў абведзены земляным валам з драўлянымі сценамі і вежамі. Акрамя вежы-брамы, па перыметры вала стаялі 7 вежаў, у тым ліку вежа-вятрак. Перад брамай знаходзіўся драўляны пад’ёмны мост на ізбіцах: сцены драўляных умацаванняў абмазаны глінай. У 18 ст. структура і знешні выгляд умацаванняў замка змяніліся: была адна 3-павярховая вежа-брама, абкружаная частаколам з дубовых дыляў з прасечанымі байніцамі. На дзядзінцы размяшчаліся гаспадарчыя будынкі (лядоўня, 2-павярховы лямус, склеп, стайня і іншыя). Адбудаваны ў 1787 годзе замак стаў галоўным элементам горадабудаўнічага ансамбля.

(Крыніца:
М.А. Ткачоў. У кн.: Архітэктура Беларусі: Энцыкл. давед. / Беларус. Энцыкл.; Рэдкал.: А.А. Воінаў і інш. – Мінск: БелЭн, 1993. - С. 482-483)

адказаць

Чачэрск | Палацава-паркавы ансамбль Чарнышовых - Каментарыі

Дадаць паведамленне