Капліца Святога Дамініка | Слонім

Больш фотаздымкаў (5) >>

Капліца святога Дамініка ў Слоніме

Капліца св. Дамініка ў Слоніме збудавана з цэглы ў 1745 г. у стылі позняга барока. Размешчана на перакрыжаванні сучасных вуліц Пушкіна і Міцкевіча. У XVIII ст. пры ўездзе ў горад стаялі дзве капліцы, якія з'яўляліся чымсьці накшталт пагранічнага знака. Захавалася толькі капліца св. Дамініка.

Капліца ўяўляе сабой цэнтрычную вежападобную пабудову, якая завершана фігурным шлемам. Капліца мае квадратнае сячэнне з увагнутымі гранямі і зрэзанымі вугламі. Маналітны ніжні ярус і навылётны верхні размежаваны прафіляваным карнізам. Ярусы капліцы выразна падкрэслены чарапічнымі схіламі і пластычнымі карнізамі з выкружкамі. Пад навіссю другога яруса стаяла скульптура св. Дамініка (страчана ў савецкі час, адноўлена ў 1990-я).