Выбраныя здымкі
Фота © Алена Паўлоўская | Дата: 2014-10-26
Галоўны фасад касцёла ў Дварцы Фота © Віталій | Дата: 2014-10-26
Касьцёл Сьв. Антонія Падуанскага ў Дварцы Фота © Таня Казак | Дата: 2014-10-26
Антоніеўскі касцёл у м. Дварэц пабудаваны ў 1904—1909 гг. Будаўніцтва манументальнага храма абумоўлівалася тым, што папярэдні, пасля шматлікіх рамонтаў (1882, 1895 гг.), не задавальняў парафію і пасля царскага талерантнага указа з боку ўлад не чынілася перашкод на пабудову новага. Пасля шматгадовага заняпаду ў савецкі час храм адноўлены і адчынены ў 1989 г.
Вырашаны па канону двухвежавай трохнефавай базілікі. Галоўны фасад завершаны дзвюма бакавымі з фігурнымі купаламі вежамі, шчыт паміж імі з паўкруглым франтонам і бакавымі валютамі. З рэнесанснага мінулага запазычана характэрнае афармленне арачнага "венецыянскага акна" ў выглядзе плоскага портыка з лучковым франтонам (у ніжнім ярусе вежаў) і цэнтральнага паўкруглага "паладыянскага акна" ў выглядзе паўкруглай аркі, расчлянёнай на тры часткі стойкамі. Уваход арганізаваны праз невялікі прытвор з арачным праёмам у руставаным абрамленні — таксама рэнесансны элемент. Фасад дэкараваны рустам, філёнгамі, ліштвамі арачных праёмаў, лучковымі франтонамі, развітым антаблементам. Усе элементы дэкору і архітэктурныя абломы выкананы ў адкрытай высакаякаснай цаглянай муроўцы.
Вырашаны па канону двухвежавай трохнефавай базілікі. Галоўны фасад завершаны дзвюма бакавымі з фігурнымі купаламі вежамі, шчыт паміж імі з паўкруглым франтонам і бакавымі валютамі. З рэнесанснага мінулага запазычана характэрнае афармленне арачнага "венецыянскага акна" ў выглядзе плоскага портыка з лучковым франтонам (у ніжнім ярусе вежаў) і цэнтральнага паўкруглага "паладыянскага акна" ў выглядзе паўкруглай аркі, расчлянёнай на тры часткі стойкамі. Уваход арганізаваны праз невялікі прытвор з арачным праёмам у руставаным абрамленні — таксама рэнесансны элемент. Фасад дэкараваны рустам, філёнгамі, ліштвамі арачных праёмаў, лучковымі франтонамі, развітым антаблементам. Усе элементы дэкору і архітэктурныя абломы выкананы ў адкрытай высакаякаснай цаглянай муроўцы.
Літ.:
А.М. Кулагін
Эклектыка
Мінск, Ураджай, 2001