Выбраныя здымкі
Сядзібны дом Богуш-Шышкаў у Трокеніках Фота © К. Шастоўскі |
Сядзібны дом Богуш-Шышкаў Фота © Яўген Каломенкін |
Сядзібны дом, лесвіца на другі паверх Фота © К. Шастоўскі |
Комплекс створаны ў 2-й палове 19 — пачатку 20 ст. на краю геалагічнага разлому ледніковага перыяду ў в. Трокенікі. Уключае сядзібны дом, службовы флігель, стайні і невялікі парк эканамічнага тыпу. Пладовыя сады абмежаваны пасадкамі дрэў мясцовых парод (клён, ліпа, каштан). Апошні ўладальнік сядзібы - з'ехаўшый за мяжу мастак прафэсар Мар'ян Богуш-Шышка.
Сядзібны дом пабудаваны ў пачатку 20 ст. Аднапавярховы мураваны прамавугольны ў плане будынак з мансардай накрыты высокім дахам з «заломам». Над галоўным уваходам і на тарцах — фігурныя ўвагнута-выпуклыя франтоны, аздобленыя валютамі, люкарнамі. Фасады пазбаўлены дэкору. Аконныя праёмы прамавугольныя. Планіроўка анфіладная. Вітая металічная лесвіца вядзе на мансардавы паверх, які мае выхад на балкон. Цяпер тут знаходзіцца бібліятэка. Сядзіба — помнік архітэктуры неабарока.
Сядзібны дом пабудаваны ў пачатку 20 ст. Аднапавярховы мураваны прамавугольны ў плане будынак з мансардай накрыты высокім дахам з «заломам». Над галоўным уваходам і на тарцах — фігурныя ўвагнута-выпуклыя франтоны, аздобленыя валютамі, люкарнамі. Фасады пазбаўлены дэкору. Аконныя праёмы прамавугольныя. Планіроўка анфіладная. Вітая металічная лесвіца вядзе на мансардавы паверх, які мае выхад на балкон. Цяпер тут знаходзіцца бібліятэка. Сядзіба — помнік архітэктуры неабарока.
Крыніца:
А.М. Кулагін
Збор помнікаў архітэктуры і культуры