Выбраныя здымкі
Царква Усіх Святых у Тураве Фота © ВАДЗІМ ЛОСЬ | Дата: 28 верасня 2013 г.
Помнік К. Астрожскаму. Божаю міласцю Канстанцін у св. хрышчэнні Васілій князь Астрожскі верны сын святое Праваслаўнае царквы. Нарадзіўся ў Тураве ў 1527 г. Спачыў у Астрозе 13(26).02.1608 г. Фота © К. Шастоўскі | Дата: 2006/04/02
Каменны крыж Фота © К. Шастоўскі | Дата: 2004/09/05
Уніяцкая царква ў Імя Ўсіх Святых пабудавана ў 1810 г. з дрэва. Пасля забароны ў 1839 г. расійскімі ўладамі ўніяцтва, царква перададзена праваслаўным.
Царква трохзрубная: прамавугольныя ў плане бабінец, асноўны аб'ём і алтарная апсіда. Складзена з брусоў на падмурку і накрыта бляхай. Сцены знадворку ашаляваны дошкамі, прарэзаны прамавугольнымі аконнымі праёмамі. Спачатку 3 зрубы мелі шатровыя вярхі з дэкаратыўнымі галоўкамі і крыжамі. Пры перабудове храма ў 20 ст. вярхі заменены двухсхільнымі дахамі. Тады ж з захаду да бабінца прыбудавана двух'ярусная званіца (васьмярык на чацверыку), завершаная шатровым дахам. Усе памяшканні злучаны паміж сабой вялікімі праёмамі (прамавугольным у бабінцы і са зрэзанымі вугламі ў алтары). Алтарная частка аддзелена ад асноўнага аб'ёму двух'- ярусным разным іканастасам. Царскія вароты аздоблены ракайлямі і разеткамі.
Шануюцца 2 каменых крыжа, якія, паводле павер'я, у 12 ст. прыплылі па Дняпры і Прыпяці з Кіева. Каля царквы стаіць помнік Канстанціну Астрожскаму.
Царква трохзрубная: прамавугольныя ў плане бабінец, асноўны аб'ём і алтарная апсіда. Складзена з брусоў на падмурку і накрыта бляхай. Сцены знадворку ашаляваны дошкамі, прарэзаны прамавугольнымі аконнымі праёмамі. Спачатку 3 зрубы мелі шатровыя вярхі з дэкаратыўнымі галоўкамі і крыжамі. Пры перабудове храма ў 20 ст. вярхі заменены двухсхільнымі дахамі. Тады ж з захаду да бабінца прыбудавана двух'ярусная званіца (васьмярык на чацверыку), завершаная шатровым дахам. Усе памяшканні злучаны паміж сабой вялікімі праёмамі (прамавугольным у бабінцы і са зрэзанымі вугламі ў алтары). Алтарная частка аддзелена ад асноўнага аб'ёму двух'- ярусным разным іканастасам. Царскія вароты аздоблены ракайлямі і разеткамі.
Шануюцца 2 каменых крыжа, якія, паводле павер'я, у 12 ст. прыплылі па Дняпры і Прыпяці з Кіева. Каля царквы стаіць помнік Канстанціну Астрожскаму.
Крыніца:
ю.А. якімовіч
Збор помнікаў гісторыі і культуры Беларусі. Гомельская вобласць
Мінск, Беларуская Энцыклапедыя, 1986