Выбраныя здымкі
Касцёл Нараджэння Найсвяцейшай Панны Марыі ў Гомелі Фота © Сяржук | Дата: 2009 год
Царква Нараджэння Багародзіцы на Новікаўскіх могілках. Здымак пач. ХХ ст. Фота © К. Шастоўскі | Дата: 2009 год
Будынак былой царквы Нараджэння Багародзіцы. Прыкладна 1970-я гг. (з архіву У. Васькова) Фота © Уладзімір Васькоў | Дата: 2009 год
28 чэрвеня 1989 года Савет па справах рэлігіі пры Савеце Міністраў СССР пратаколам № 7 зарэгістраваў «религиозное общество верующих Римско-Католической церкви в г. Гомеле Белорусской ССР». Створаная каталіцкая суполка пачала актыўна дамагацца ад улад Гомеля будынка, дзе можна было б адпраўляць набажэнствы. Так як месца, дзе раней знаходзіўся знішчаны касцёл Унебаўзяцця Найсвяцейшай Панны Марыі было занята праезжай часткай дарогі, то вернікі папрасілі аддаць ім той будынак, з якім іх хоць нешта звязвала, а менавіта будынак па вуліцы Савецкай 118, які ў той час належыў камбінату «Мастацтва».
Гэты будынак — былая праваслаўная царква Нараджэння Багародзіцы, якая была пабудаваная ў 1896 г. на сродкі сялян на тэрыторыі Новікаўскіх могілак. Могілкі лічыліся праваслаўнымі, але па словах ксяндза дэкана Славаміра Ляскоўскага на іх хавалі і католікаў, а побач з праваслаўнай царквой стаяла каталіцкая каплічка. Могілкі былі знішчаныя пасля вайны і цяпер на іх месцы знаходзіцца сквер. Царква Нараджэння Багародзіцы ў савецкі перыяд была зачыненая, верхні драўляны аб’ём з купалам разабраны. Менавіта ў будынку царквы Нараджэння Багародзіцы католікі і збіраліся на набажэнствы ў часе вайны. У пасляваенны перыяд будынак царквы выкарыстоўваўся як пункт кінапракату. Пасля ў ім месціліся майстэрні мастакоў.
20 лютага 1990 г. рашэннем № 50 Гомельскага гарадскога Савета народных дэпутатаў гэты будынак быў перададзены рыма-каталіцкай суполцы. У чэрвені 1990 г. суполка гомельскіх католікаў перабралася з вартоўні на Навабеліцкіх могілках у будынак на Савецкай, які атрымаў статус капліцы. Увосень 1991 г. пачаўся рамонт капліцы, якая атрымала тую ж назву, што і былая праваслаўная царква — Нараджэння Найсвяцейшай Панны Марыі. У 1994 г. пробашч Славамір Ляскоўскі на базе капліцы пачаў будаўніцтва новага касцёла. Будынак капліцы — былой царквы Нараджэння Багародзіцы стаў трансептам храма. На будоўлі шмат працавалі самі парафіяне, грошы збіраліся адзінаверцамі з Аўстрыі, Германіі, Італіі і Польшчы.
Да 2000 г. касцёл быў пабудаваны. Святыня была асвечаная кардыналам Казімірам Свёнтакам 9 снежня 2000 г. пад тытулам, які дастаўся ў спадчыну ад былой праваслаўнай царквы — Нараджэння Найсвяцейшай Панны Марыі. Такім чынам гісторыю новай святыні трэба адлічваць не з 2000-га, а з 1896-га года.
Гэты будынак — былая праваслаўная царква Нараджэння Багародзіцы, якая была пабудаваная ў 1896 г. на сродкі сялян на тэрыторыі Новікаўскіх могілак. Могілкі лічыліся праваслаўнымі, але па словах ксяндза дэкана Славаміра Ляскоўскага на іх хавалі і католікаў, а побач з праваслаўнай царквой стаяла каталіцкая каплічка. Могілкі былі знішчаныя пасля вайны і цяпер на іх месцы знаходзіцца сквер. Царква Нараджэння Багародзіцы ў савецкі перыяд была зачыненая, верхні драўляны аб’ём з купалам разабраны. Менавіта ў будынку царквы Нараджэння Багародзіцы католікі і збіраліся на набажэнствы ў часе вайны. У пасляваенны перыяд будынак царквы выкарыстоўваўся як пункт кінапракату. Пасля ў ім месціліся майстэрні мастакоў.
20 лютага 1990 г. рашэннем № 50 Гомельскага гарадскога Савета народных дэпутатаў гэты будынак быў перададзены рыма-каталіцкай суполцы. У чэрвені 1990 г. суполка гомельскіх католікаў перабралася з вартоўні на Навабеліцкіх могілках у будынак на Савецкай, які атрымаў статус капліцы. Увосень 1991 г. пачаўся рамонт капліцы, якая атрымала тую ж назву, што і былая праваслаўная царква — Нараджэння Найсвяцейшай Панны Марыі. У 1994 г. пробашч Славамір Ляскоўскі на базе капліцы пачаў будаўніцтва новага касцёла. Будынак капліцы — былой царквы Нараджэння Багародзіцы стаў трансептам храма. На будоўлі шмат працавалі самі парафіяне, грошы збіраліся адзінаверцамі з Аўстрыі, Германіі, Італіі і Польшчы.
Да 2000 г. касцёл быў пабудаваны. Святыня была асвечаная кардыналам Казімірам Свёнтакам 9 снежня 2000 г. пад тытулам, які дастаўся ў спадчыну ад былой праваслаўнай царквы — Нараджэння Найсвяцейшай Панны Марыі. Такім чынам гісторыю новай святыні трэба адлічваць не з 2000-га, а з 1896-га года.
Уладзімір Васькоў