Царква Святых Барыса й Глеба | Навагрудак

Свята-Барыса-Глебская царква ў Навагрудку

Царква пабудавана ў 19 ст. з дрэва. Існавала ў 1949 г. Твор народнага дойлідства. Была вырашана крыжовым у плане зрубам, завершаным 5-галоўем. Сяродкрыжжа было накрыта гранёным шатровым дахам, які завяршаўся светлавым барабанам з цыбулепадобным куплам. Аналагічнае шатрова-купальнае пакрыццё мелі прырубы прамавугольнага прытвора, 5-гранных бакавых прыдзелаў і апсіды. Храм апяразвала галерэя-гульбішча, абмежаваная балюстрадай і накрытая 1-схільным дахам на разных слупках. Гарызантальна ашаляваныя фасады па восях сіметрыі мелі вялікія прамавугольныя аконныя праёмыя ліштвамі з лучковымі сандрыкамі.