Сёмкаў Гарадок - фота і помнікі

Гісторыя Сёмкава Гарадка

Сёмкаў Гарадок, вёска, на правым беразе р. Вяча. За 14 км на ПнЗ ад Менска, 7 км ад чыг. ст. Ждановічы на лініі Менск—Маладэчна. 168 жыхароў, 73 двары (2000).

Вядомы з сярэдзіны 16 ст. пад назвай Гарадок Саламярэцкі як уласнасць князёў Саламярэцкіх, з 1595 г. у складзе маёнтка Сёмкаў Менскага павета. 3 1755 г. уласнасць Адама Хмары, пры ім пабудаваны касцёл (у 1866 ператвораны ў царкву). У 1791 г. вёска Гродэк у Заслаўскай парафіі. 3 1793 г. у Расейскай імперыі, мястэчка, цэнтр воласці. У 1800 г. у Хмарыным Гарадку 141 жыхароў, 12 двароў, млын, корчмы, уніяцкая царква Раства Багародзіцы, дзе ў 1880-я г. вянчаліся бацькі Максіма Багдановіча. У 1861 г. у мястэчку 368 жыхароў, 117 двароў, валасная ўправа, медаварня, піваварня, бровар, цагельны завод, млын, царква, сінагога; у 1897 г. — 305 жыхароў, 53 двары, народнае вучылішча (адкрыта ў 1865 г.), царкоўна-прыходская школа, карчма. У 1905—06 гг. у маёнтку працаваў Я.Купала, у красавіку-траўні 1922 г. — Я.Колас. 3 20.8.1924 г. цэнтр сельсавета Заслаўскага раёна. У 2-ю сусветную вайну 27.9.1941 г. у ваколіцах Сёмкава Гарадка адбыліся жорсткія абарончыя баі. 3 8.8.1959 г. вёска ў Менскім р-не.

Помнік архітэктуры 18 ст. — Царква Раства Прасьв. Багародзіцы (былы касцёл Раства Дзевы Марыі і св. Станіслава).

Крыніца:
Анатоль Валахановіч
Энцыклапедыя гісторыі Беларусі. Т.6.
Мінск, "Беларуская Энцыклапедыя", 2001