Паперня - фота і помнікі

Гісторыя Паперні

Некалі тут існавала кустарная папяровая вытворчасць — паперня. Адсюль і пайшла назва паселішча. У 1791 г. Паперня — вёска маёнтка Відагошча Менскай парафіі, шляхецкая ўласнасць. У 1800 г. — сяло, на правым беразе р. Вяча, уласнасць падчашага Т. Ваньковіча, у 1815 г. — А. Ваньковіча, 11 двароў, 70 жыхароў, уніяцкая Крыжаўзвіжанская царква. У 1858 г. Паперня — уласнасць Э. Кудзіновіч. У 1897 г. — сяло Бяларуцкай воласці, 28 двароў, 194 жыхары, прыходская праваслаўная царква (пабудавана ў 1865 г. пасля пераводу ўніятскага прыходу ў праваслаўе), карчма. У 1903 г. адкрыта царкоўнапрыходская школа. У 1921 г. 30 двароў, 188 жыхароў. У 1941 г. 44 двары, 230 жыхароў. На 1.1.1997 г. у Паперні 169 гаспадарак, 470 жыхароў, сярэдняя школа.

Літ.:
Памяць. Мінскі раён
Мінск, Беларуская Энцыклапедыя, 1998