Цімкавічы - фота і помнікі

Гісторыя Цімкавічаў

Валодаў Цімкавічамі Ян Караль Хадкевіч, які атрымаў мястэчка ад жонкі Соф’і, удавы князя Сымона Алелькавіча Слуцкага. “Соф’я прынесла з сабой і пасаг – Цімкавічы і навакольныя землі на Капыльшчыне. Мястэчка стала ўлюбёнай мясцінай для Яна Хадкевіча, дзе ён стараўся праводзіць вольны ад вайсковых клопатаў час. “(1)

У цімкавіцкай царкве гетман Ян Хадкевіч браў шлюб з княгіняй слуцкай Соф’яй Алелькавіч. Праз Ганну Халастыку з Хадкевічаў Цімкавічы трапілі да Яна Станіслава Сапегі. З 1635 мястэчка ва ўладанні Казіміра Льва Сапегі - малодшага сына Льва Сапегі. У 1647 годзе Казімір Леў Сапега фундаваў будаўніцтва драўлянага касцёла. 3 1660 Цімкавічамі валодаюць Палубінскія. Касцёл у другой палове 19 ст. перебудаваны пад праваслаўную царкву. Згарэў у 1985.

Літаратура:
1. М. Чарняўскі. “Правадыр крылатых вершнікаў”, Мінск, Тэхналогія, 1998, ст. 17
2. В. Дубатоўка. “Архіпелаг Сапегаў”, Мінск, Беларускі кнігазбор, 2002, ст.131-133
3. Архітэктура Беларусі, энцыклапедычны даведнік, Мінск, Беларуская Энцыклапедыя імя П. Броўкі, 1993, ст.479