Выбраныя здымкі
Погляд на палац ад Старога маста Фота © Зьмiцер Мiхневiч |
Каралеўскі палац ў XVIII ст. Малюнак галоўнага фасаду Фота © Зьмiцер Мiхневiч |
Погляд на каралеўскі палац ад поўдня Фота © Paweł Dawidowski |
У 1991 годзе ў музейны комплекс быў уключаны другі гродзенскі каралеўскі палац - Новы замак. Будаўніцтва гэтага палаца, спраектаванага Пепельманам, доўжылася з 1737 па 1742 год. Ён быў узведзены на суседнім з Замкавай гарой узвышшы, насупраць Старога замка.
План палаца меў выгляд літары "П" і ствараў вялікі парадны ўнутраны двор -курданер. Сам будынак быў суразмерны і шыкоўны, вытрыманы ў стылі ракако.
Фасады яго чляніліся пілястрамі, былі аздоблены картушамі з маскамі, лепкай розных форм. Маляўнічасць будынка ўзмацняла спалучэнне насычанага цагельнага колеру дахоўкі і бела-ружовых пласкасцей фасадаў.
Галоўны ўваход вёў у вялікую Залу Варты, упрыгожаную фрэскавым роспісам. Побач знаходзілася першая прыёмная караля (Авальная зала), Сенатарская і Пасольская залы. Усе яны былі двухсвятловымі, шыкоўна аздобленымі ляпнымі картушамі і ракайлямі, фрэскавай імітацыяй архітзктурных дэталяў. Каралеўскія апартаменты знаходзіліся ў правым крыле палаца, а ў левым -памяшканні для прыдворных.
Парадны падворак замыкалі два аднапавярховыя будынкі - кардэгардыя і пякарня. Паміж імі, у сваім першапачатковым выглядзе, захаваліся да нашых дзён агароджа і ўяздныя вароты, пілоны якіх завяршаюць скульптуры міфічных істот - сфінксаў з пухлымі пуці. Слупы агароджы ўвенчаны шлемамі з вайсковай атрыбутыкай.
Палац, пабудаваны ў часы караля Аўгуста III, ужо пры яго пераемніку Станіславе Аўгусце Панятоўскім перажыў першыя змены на карысць класічнага стылю. Кіраваў працамі Джузэпе Сака і, напэўна, дэкаратар Шымон Манькоўскі.
План палаца меў выгляд літары "П" і ствараў вялікі парадны ўнутраны двор -курданер. Сам будынак быў суразмерны і шыкоўны, вытрыманы ў стылі ракако.
Фасады яго чляніліся пілястрамі, былі аздоблены картушамі з маскамі, лепкай розных форм. Маляўнічасць будынка ўзмацняла спалучэнне насычанага цагельнага колеру дахоўкі і бела-ружовых пласкасцей фасадаў.
Галоўны ўваход вёў у вялікую Залу Варты, упрыгожаную фрэскавым роспісам. Побач знаходзілася першая прыёмная караля (Авальная зала), Сенатарская і Пасольская залы. Усе яны былі двухсвятловымі, шыкоўна аздобленымі ляпнымі картушамі і ракайлямі, фрэскавай імітацыяй архітзктурных дэталяў. Каралеўскія апартаменты знаходзіліся ў правым крыле палаца, а ў левым -памяшканні для прыдворных.
Парадны падворак замыкалі два аднапавярховыя будынкі - кардэгардыя і пякарня. Паміж імі, у сваім першапачатковым выглядзе, захаваліся да нашых дзён агароджа і ўяздныя вароты, пілоны якіх завяршаюць скульптуры міфічных істот - сфінксаў з пухлымі пуці. Слупы агароджы ўвенчаны шлемамі з вайсковай атрыбутыкай.
Палац, пабудаваны ў часы караля Аўгуста III, ужо пры яго пераемніку Станіславе Аўгусце Панятоўскім перажыў першыя змены на карысць класічнага стылю. Кіраваў працамі Джузэпе Сака і, напэўна, дэкаратар Шымон Манькоўскі.