Выбраныя здымкі
Касьцёл брыгітак. 3-мерная мадэль выканана студэнтамі Берасьцейскага політэхнічнага інстытута |
Касьцёл і кляштар брыгітак. 3-мерная мадэль выканана студэнтамі Берасьцейскага політэхнічнага інстытута |
Комплекс на мапе Берасьця 1823 г. (з архіву І. Лаўроўскай) Фота © Ірына Лаўроўская |
Кляштар брыгітак існаваў у 17—19 стагоддзях у прадмесці Берасьця Пескі. Мураваны касцёл пабудаваны ў стылі барока ў 1751 г. на месцы драўлянага храма, узведзенага ў 1623 г. Да авальнага ў плане галоўнага аб'ёму, завершанага купалам на васьмерыку, прылягалі прамавугольныя ў плане алтарная апсіда з 2 сакрысціямі па баках і бабінец з 2 вежамі. Галоўны фасад меў багатую пластычную апрацоўку ў стылі позняга барока: вязкі пілястраў і раскрапаваны антаблемент, над якім разарваны франтон з фігурным шчытом, завершаным драўлянымі вазамі і статуямі. Інтэр'ер храма быў упрыгожаны стукавай лепкай. Каля кожнага з 8 слупоў стаялі драўляныя пазалочаныя скульптуры святых. Акрамя галоўнага, было яшчэ 10 бакавых драўляных разных алтароў. Праз сакрысцію і капліцу касцёл злучаўся з 2-павярховым П-падобным у плане кляштарным корпусам.
Літ.:
І.Б. Лаўроўская
Памяць. Брэст. т. І.
Мінск. Белта. 1998
Матэрыял апублікаваны з ласкавай згоды аўтара Ірыны Лаўроўскай