Аб францысканскім кляштары ў Воршы захаваліся толькі кароткія гістарычныя дадзеныя. Кляштар размяшчаўся на паўднёвым-ўсходзе горада і займаў адзін з кварталаў уздоўж вуліцы, пракладзенай паралельна берагу Дняпра. Кляштар заснаваны ў 1612 г. Каменны храм пабудаваны ў 1680 г. па фундацыі пана Калкоўскага (па іншых крыніцах Каткоўскага). Храм прысвячаўся Св. Антонію, у ім мелася сем алтароў, сярод якіх: Раства Божай Маці, Езуса Хрыста, Покрыва Найсвяцейшай Божай Маці, св. Францыска, св. Антонія, св. Язэпа. У кляштарны комплекс уваходзілі двухпавярховы каменны корпус і аднапавярховыя каменныя келлі. Касцёл алтаром арыентаваўся на поўдзень, галоўным фасадам звернуты да вуліцы і да ракі, размяшчаўся з невялікім водступам ад лініі забудовы. Двухпавярховы корпус кляштара стаяў ззаду касцёла, трохі ўверх па рэльефу, які тут павышаецца.
Паўночна-ўсходні фасад (07.2009)
Выгляд ад паўночнага захаду (07.2009)
Касцёл знішчаны ў 1970-я г., калі расшыралі праезную частку вуліцы Савецкай. У былых кляштарных мурах да нядаўняга часу размяшчалася турма. Цяпер будынак занядбаны.
Крыніца (з змяненнямі): И.Н. Слюнькова
Наследие архитектуры Беларуси. Монастыри восточной и западной традиций
Москва, Прогресс-Традиция, 2002
Выгляд ад паўночнага захаду (07.2009)
Выгляд ад паўднёвага захаду (07.2009)
Паўднёва-ўсходні фасад (07.2009)
Агульны выгляд (фота пач. 1990-х)
Знайдзі свае карані Пошук сваякоў і продкаў у Беларусі, Польшчы, Літве па прозвішчам і мясцовасцям
