> Віцебская вобласць > Полацкі раён > вёска Вухвішча > Капліца Святога Тадэвуша
Вухвішча. Капліца Святога Тадэвуша
Вухвішча. Капліца Святога Тадэвуша

Капліца Святога Тадэвуша | Вухвішча

Не існуе
Год пабудовы (перабудовы): 1861
Страчаны: 1941-1950-x
Каардынаты:
55° 14'52.09"N, 28° 28'17.69"E

Фотагалерэі

Выбраныя здымкі

Вухвішча. Капліца Святога Тадэвуша

Капліца ў маёнтку Ухвішча Івашэўскай. Здымак пач. ХХ ст. |

Вухвішча. Капліца Святога Тадэвуша

Рэшткі капліцы Фота © radziwill.by |

Вухвішча. Капліца Святога Тадэвуша

Фрагмент склепа Фота © radziwill.by |

Капліца Святога Тадэвуша ва Ухвішчы

“Гатычная” капліца Святога Тадэвуша стаяла ў парку на высокім пагорку ў в. Ухвішча Полацкага павета. Фундавана яна была ў 1861 годзе ўладальнікам маёнтка А. Любенскім і яго сястрой А. Івашэўскай. Знішчана ў гады Другой сусветнай вайны.

Архітэктура мураванага будынка была вырашана ў стылі рэтраспектыўнай готыкі (па ідэі фундатара капліца павінна была асацыіравацца з гатычным касцёлам св. Ганны ў Вільні). Уяўляла сабой прамавугольны аб’ём з пяціграннай апсідай і сакрысціямі. Над галоўным фасадам узносілася высокая васьмерыковая вежа-званіца са шпілем. Стракаты сілуэт будынка фармавалі шматлікія вастраверхія фіялы, вертыкальную дынамічную накіраванасць кампазіцыі надавалі стральчатыя нішы і вокны.

На чырвоным фоне цаглянай муроўкі вылучаліся пабеленыя элементы архітэктурнай пластыкі: ажурны аркатурны фрыз, фіялы прасценачных котрфорсаў, ліштвы стральчатых вокнаў. Галоўны фасад быў фланкіраваны гранёнымі пілонамі са шпілямі. У галоўным алтары знаходзіўся абраз св. Тадэвуша. У склепе хавалі памерлых ўладальнікаў маёнтка. Помнік з белага мармуру ўвекавечваў памяць Адэлі Сялявы, а з чорнага Эльвіры Мікульскай, дачкі Любенскага.

Алесь Мінін